ألتله ألزينبيه بكربله ياناس
تتباها بعطر أم الخدر زينب
شرفهه قدم للعفه ينطي دروس
وعيون المواقف منه تتعجب
تل الزينبي صح تحسبه بأمتار
بس ضاها الجبال الراسيه الترهب
احد لوما علي صدگني ماموجود
وعلى باقي الجبال الدور يترتب
لان حيدر بسيفه الكل جبل خلاه
يتذكر نسيم المرتضى لو هب
لذالك كل جبل بالكون بي مرسوم
صور للموت ضلت غامضه المنقب
جبال تقارنة وي تلت الحوراء
يوم إلي عليهه شدة المعصب
معصب فاطمه براس العقيله انشد
شده من عظمهه أتكون المذهب
مذهب للصبر والتضحيه عنوان
وهرش عود الصبر اخضر ولا شيب
على سنين الدهر هل ألتله موجوده
هوى العالي عليهه يخاف تترب
لان جدم العقيله شرفه بخطوات
مريم ما مشتهه وهيه تتعذب
خطوات العقيله بكربله تسبيح
يعني ألتله صارت أعله كل مرتب
ومن يوم العليهه وگفت الحره
حزنانه الدمع بالجفن يتحجب
صاحت صوت وينك ياگمر هاشم
يخويه النار گامت بالخيم تلهب
يبو فاضل تعال وشوفني بياحال
على صبري النوايب سيفهه تغلب
وهواي النوايب عنهه شحچيلك
عبات أمي الزچيه راح تتسلب
هاعباس وينك خويه عوف الماي
تعال الحك الزينب راح تتغرب
-----
بقلمي
تتباها بعطر أم الخدر زينب
شرفهه قدم للعفه ينطي دروس
وعيون المواقف منه تتعجب
تل الزينبي صح تحسبه بأمتار
بس ضاها الجبال الراسيه الترهب
احد لوما علي صدگني ماموجود
وعلى باقي الجبال الدور يترتب
لان حيدر بسيفه الكل جبل خلاه
يتذكر نسيم المرتضى لو هب
لذالك كل جبل بالكون بي مرسوم
صور للموت ضلت غامضه المنقب
جبال تقارنة وي تلت الحوراء
يوم إلي عليهه شدة المعصب
معصب فاطمه براس العقيله انشد
شده من عظمهه أتكون المذهب
مذهب للصبر والتضحيه عنوان
وهرش عود الصبر اخضر ولا شيب
على سنين الدهر هل ألتله موجوده
هوى العالي عليهه يخاف تترب
لان جدم العقيله شرفه بخطوات
مريم ما مشتهه وهيه تتعذب
خطوات العقيله بكربله تسبيح
يعني ألتله صارت أعله كل مرتب
ومن يوم العليهه وگفت الحره
حزنانه الدمع بالجفن يتحجب
صاحت صوت وينك ياگمر هاشم
يخويه النار گامت بالخيم تلهب
يبو فاضل تعال وشوفني بياحال
على صبري النوايب سيفهه تغلب
وهواي النوايب عنهه شحچيلك
عبات أمي الزچيه راح تتسلب
هاعباس وينك خويه عوف الماي
تعال الحك الزينب راح تتغرب
-----
بقلمي
