قصيدة (شهيد ثورة ٢٥ أكتوبر ). غزوان العبادي

[Gardi]

قصيدة (شهيد ثورة ٢٥ أكتوبر )
..
ظل اهلال يمه شكبرك والمن
اخافن من اشوفنك ابوليلة
اخافن يمه جم حوتة التزاودني عله طولك
كلهن فاكات العين
الوطن والثورة والاحزاب والنهران
المن يمه انذرنك كلهن فاكات العين
يل من ربك مكحل
جذب دخانهم ماكحل عيونك
مت اعليه
المت اعليه عمر ماكلك شلونك
بس يله الوطن يستاهل عيونك
يوميه الشموس تكودهه العميان
ويوميه اعله دجله نغسل عيونه
ويرد من السكر يصحه
ويجل الليل و نشوف الوطن سكران
وانته انسان
عشكته بسكرته وصحوة
عشت وياه بالكوه
ومتت وياه موكوه
جنت عاشك
كلتلك يمه الحبيبه جنوبيه فراتيه
ضحكت بصوت
كلتلي النامت بكلبي عراقيه
جا واعله الرصاصه النامت بكلبك ؟
هم جانت عراقيه






غزوان العبادي

 

بگد ماخفت منه طحت بيه

طيحة اعمالك .. احمد الدراجي . الى الشيوخ الذين ذهبوا للمزايدة على دم الشهداء

[كراميلا ❥]

شكرا لمجهودك غلا

 

[قارورة وفه]