فاطمة الليثي
يا خيبت نهر
ما گدر يرويك
وياسحر التراب
الجاسك
وماعرف يحويك
ويا صم الجروح الشالتك
وتلملم جروح
تذبهن على أجروحك ماتداويك
الشمس من شافتك
غطت ضواهه
ياعين الشمس
وكحه وتغطيك
حارت كربلا
وتمر الأعوام
وكثير أسماء مرت
وشتسميك
يالكاسر
غبار الحرب بضلوعك
تشابيه
ومآتم للسبايا
تفوت ترثيك
أنفتح باب أعله دمك
يجري لليوم
وزفه لكل شباب
تصير تعنيك
يحسين الوطن
چم واقعة طف
تصير وياه
ومعزي ويعزيك
مثلك صرنه لا ناصر ولا عون
ولا حر وفزع لينه وفزع ليك
الفقير الباع ثوبه
ونصب رايات
يريد حسين
مثلك ينتصر بيك ..
