أشتاكلي . عريان السيد خلف
المشتاك يطفى بماي عينه
ويشتعل بجروح ايديه
ويضحك بوجه الظنون بغير كلبه
ويفتشر والبيه بيه
الماي يخطف عالجروف وداع صدفه
ويعتذل هرش اليبس ما يعتلي
أشتــاكلياليعثر بظله يموت صاحي
وال يعيش بلا يا وعيه بغير ظل
الشوج من ينبت بسجه يبات وابن ادم يزل
أشتاك لجروحي غلاتي
وعيبي صبري:::ودفلتي السكته:::: ووحشتي بلا يا هم
وحجتي الفشله التطش لتراب ما يسواش لم
وهمي دنيا انبعت بيهه بغيرك انته
وشنو معناة الجرح من غير دم
وك أشتـاكلي أتخضر أضنوني بكاع صبخه
ويشمت ارموشه على طرواك الجفن
وتشرك أشموسهه بحظن ليلك نهار
ويحظن الغايب هوى الحاضر حضن
وتطفح البسمه علىبال المبتلين
الماي يضحك من تشك صدره السفن
أتعذرت يا بخت ليل المسعدين
ويا مرارة ليلنا بطرف اللسن
الكاع سلها جنازه الميت تكوم
ويندفن جنازها وما تندفن
وأبرى بيــــــــــــــــــــــــــــــــدك
وأغسل ذنوبي واواكح مستحاي
واكطع بروح العطش ومروة الحلوين ماي
يضيع جروحي غواها
و يعتلك شوكي جراح وانته دواي
وما مـش الما مش بعيني جزيره ونيه وحشه
وفكر ما صافي على راي
يداهر عيوني حلمهه بليله ظلمه
وكبل ما يغفى الجفن يطفى ضواي
وبيــــــــــــــــدك انا
تاخذ عيوني وتعبرهه مدى لدنياك شوف
وتلهث بدمي عرج نخوه وساعات خوف
وتحتيي بروحي
وكاحه ونفس دافي ودفكة مروه وعتابه وليل اوف
وانا بيـدك لو شجتلي الكيظ عينك
ما تلم فيض الجفوف رباة كــــــاع
ربات كَاع وما شبج ليل الولايه رموش عيني
ولا طفى صبيها ضواها وهيه التشوف
بيه حس الساجيه ولون الشموس
وبيه طعم السنبله وطيب الزلوف
أطوف دنياك بدمعها وما رضت
روحي بزعل موحي انا اطوف
المشتاك يطفى بماي عينه
ويشتعل بجروح ايديه
ويضحك بوجه الظنون بغير كلبه
ويفتشر والبيه بيه
الماي يخطف عالجروف وداع صدفه
ويعتذل هرش اليبس ما يعتلي
أشتــاكلياليعثر بظله يموت صاحي
وال يعيش بلا يا وعيه بغير ظل
الشوج من ينبت بسجه يبات وابن ادم يزل
أشتاك لجروحي غلاتي
وعيبي صبري:::ودفلتي السكته:::: ووحشتي بلا يا هم
وحجتي الفشله التطش لتراب ما يسواش لم
وهمي دنيا انبعت بيهه بغيرك انته
وشنو معناة الجرح من غير دم
وك أشتـاكلي أتخضر أضنوني بكاع صبخه
ويشمت ارموشه على طرواك الجفن
وتشرك أشموسهه بحظن ليلك نهار
ويحظن الغايب هوى الحاضر حضن
وتطفح البسمه علىبال المبتلين
الماي يضحك من تشك صدره السفن
أتعذرت يا بخت ليل المسعدين
ويا مرارة ليلنا بطرف اللسن
الكاع سلها جنازه الميت تكوم
ويندفن جنازها وما تندفن
وأبرى بيــــــــــــــــــــــــــــــــدك
وأغسل ذنوبي واواكح مستحاي
واكطع بروح العطش ومروة الحلوين ماي
يضيع جروحي غواها
و يعتلك شوكي جراح وانته دواي
وما مـش الما مش بعيني جزيره ونيه وحشه
وفكر ما صافي على راي
يداهر عيوني حلمهه بليله ظلمه
وكبل ما يغفى الجفن يطفى ضواي
وبيــــــــــــــــدك انا
تاخذ عيوني وتعبرهه مدى لدنياك شوف
وتلهث بدمي عرج نخوه وساعات خوف
وتحتيي بروحي
وكاحه ونفس دافي ودفكة مروه وعتابه وليل اوف
وانا بيـدك لو شجتلي الكيظ عينك
ما تلم فيض الجفوف رباة كــــــاع
ربات كَاع وما شبج ليل الولايه رموش عيني
ولا طفى صبيها ضواها وهيه التشوف
بيه حس الساجيه ولون الشموس
وبيه طعم السنبله وطيب الزلوف
أطوف دنياك بدمعها وما رضت
روحي بزعل موحي انا اطوف
