---
عايش حياتي اتنطرك
يلرايح من اديه
يلجنت بگليبي نبض
يمتى ترد إليه
...........................................
اندهني رايد شوفتك
مزروعه بيه محبتك
يابعد كل ذاك العمر
الروح كلش فگدتك
هجرك جرح كلش صعب
اذتني كلش روحتك
انت الحنين اهواك اضل
روحي تضل محتاجتك
كلي آمل ترجع علي
خايف تطول رحلتك
.....................................................
دمع دمع عيني خلص
هجرك تعباني
يلي خذت مني عمر
و اصبرلك واتاني
كسر الگلب مو اي كسر
الفراگ ماله اي جبر
عايش حياتي اتآملك
درجع مشه بيه العمر
مرني ولو صدفه بحلم
الليله راح ابقى انتظر
المهم رايد شوفتك
ارجعلي تعبني الصبر
.....................................................
مشه مشه بي العمر
واتنطرك تجيني
مشه مشه بي العمر
ياشوگي وحنيني
................................................
روج الوكت كلش صعب
ماخذنه مدري بيا درب
عشت بحزن طول الدهر
بفراگه دمعاتي تصب
يلي ارحلت يمتى ترد
خليتني بديره غرب
اتلاوه باقي وي الزمن
اني اسيرك بالحرب
.......................................................
حرب حرب لمن رحت
عاداني زماني
حتى الفرح بعدك
حزني صاحباني
