منقول نمشي بلا وعي وتعثر معانينه حسين جمعة

[Gardi]

#قصيدة_وشاب






حسين جمعة ( بغداد)










نمشي بلا وعي وتعثر معانينه


نتوسد خيال الماي


واچفوف الضوه گامت تلاوينه


وي الدنيا صرنه ارماد


خزرة هوه انصير ارواح


يا شباچ يحمينه






مرسومه عله الحيطان غربتنه


ياحضن اليلفينه


بملامحنه خريطة مگبرة وميتين


ما تضحك اسامينه


ولگـينه الدنيـا مو عدلة ... لهيب النار


ناس تموت عل البـيبان


ناس امرايا للعاگول


وتطشرنه اعله طول الكاع


حنطة بغمدة الفلاح


والغربة نعش شايل جناسينه






او رگضنه من الشمس للفي ضوه مسودن


واجناح بقفص مسجون


يحلم بالهوه المخنوك


ليش انتوب !!؟


واذا يلمع نحر نلگة الرمح نيشان


ليش انتوب !!؟


و جـناسي أهـل الكراسي الري






ليش انتوب !!؟


وعلى ريج البلابل سير الدخان


ليش انتوب !!؟


وسـمار الــ طين لهوة طفل للعشاگ​

 

[هيبة ضابط]

احسنتي

 

[سليم البصري]

للنجاح اناس يقدرون معناه وللابداع اناس يحصدونه لذا نيابة عن كل مواطني شباب الرافدين نقدر جهودكم الجبارة
برفد الدولة الشبابية بالمشاركات ودوام التواصل فأنتم أهل للشكر والتقدير

 

[غزل]

"
سلمت يمناك لعطائك الوافر
شكر لجهدك الطيب والمميز
🌷🐦