غزل
مراقبة عام شباب الرافدين
- إنضم
- 2021-10-11
- المشاركات
- 45,954
- مستوى التفاعل
- 16,276
- النقاط
- 117
- الإقامة
- مختبئه خلف الغيمات
- جوهرة
- დ297,051
- الجنس
- أنثى
موش برجب لحظة وفاتي
انا انتهت بالطف حياتي
من عفت اخوتي عالثره لحظة وفاتي
؛★★★★★★★★★★★★★★★★★
مو هسه عمري منتهي عمري انتهى يوم الطف
من شفت عباس الگمر عالگاع طاح بلا چف
والعين مطفيه بسهم وبعمد راسه اتخسف
هدّم الحيل بطيحته والالم ما يتوصف
من اهد يوم الغاضريه
تعتبر وافتني المنيه
من طاح سبع الگنطره لحظة وفاتي
؛★★★★★★★★★★★★★★★★★
انا متت لمن شفت طاح الحسين الغالي
بالعمر ما ظل أي امل وصار الحزن چتالي
ما حسّبتها من قبل ولا اجت مره ابالي
ابقى وحيده بكربله وبايتام ينشل حالي
ما واحد الها حساب حاسب
تالي العمر بين الاجانب
لمن وگع خير الورى لحظة وفاتي
؛★★★★★★★★★★★★★★★★★
بدرب السبي چان الاجل من لليسر گادونه
أهل الرساله يا وسف أهل الحقد يسبونه
بحبال ادينه مچتفه وبسياطهم يولونه
وأكثر ألم طب للگلب بالسوگ من مرونه
بت النبي وبت الزچيه
سموني باسم الخارجيه
بكل لحظه من هذا الجره لحظة وفاتي
؛★★★★★★★★★★★★★★★★★
صح عشت بعد الطف انا لكن عشت متعوبه
مكتوب كل عمري حزن والفرحه ما مكتوبه
نوبه يبو فاضل صحت ويحسين اصيحن نوبه
صورتهم بعيني بقت لليوم ما محجوبه
من بعد ما بعدو عليه
صارت حياتي بس اذيه
ينزاح همي ومصدره لحظة وفاتي
؛★★★★★★★★★★★★★★★★★
اقترب من عندي الاجل والموت دگ بيباني
وانتظر قبّاض النفس ولجله استعديت اني
بفارق صبر چنت انتظر حتى التقي بخواني
بالموت عجّل يا ملك عباس اخوي يتاني
خلصت حياة الهم تراها
وراح التقي وي آل طه
روحي بقت مستبشره لحظة وفاتي
؛★★★★★★★★★★★★★★★★★
جعفر عطيه البزوني
