النقاط
118
الحلول
0
- إنضم
- 2021-10-11
- المشاركات
- 49,075
- مستوى التفاعل
- 17,101
- النقاط
- 118
- الإقامة
- مختبئه خلف الغيمات
گبل ...
من چانت الوادم تنتفض
و تغني للدم ...
چنت ازغر من سؤالات البالي
و چفي ما تنشال بي صخره التعور ...
و چتفي مايوصل احزام الزلمه الذاك ...
الواگف يفشر على اصوات الفشگ
چانت الوادم
تريد الدم طري يضل ابعرجهم
و چانو البالسجن يردون الحبر يتلف اديهم
گاعد اكتب بالقصيدة
و غاز اليسيل الدموع ...
غوش الصورة البالي
و ايدي تاهت من ابوحزام اليفشر
و اركضت مالي جدم
بيام عمري
الگيت روحي بگهوه عل شط ...
و الاخبار تسولف عله ابني
الي طلعو من حدر بيتي المهدم ...
ابچي ...
والدمعه التكض ريحة تتن
هاي مبچيه صدگ لجل الوطن ...
ابچي ...
والاخبار طلع صوت ابوي
ايدور عليه
منو شايف ولد ...
مكتول
وبجيبه قصيدة ..
