غزل
مراقبة عام شباب الرافدين
![https://shababalrafedain.net/up/uploads/165995939617811.gif https://shababalrafedain.net/up/uploads/165995939617811.gif](https://shababalrafedain.net/up/uploads/165995939617811.gif)
تنده بالجرح للغيض لو للموت
بعدني لحجلك اجفل لو لكشني الصوت
شجابك هّـوٌيِّه يم ناري
شجابك طين متعافي وانه گلبي نشد مرطوب
شجابك يم حزن گلبي مسيت غروب
اذا ماتطفي البروحي
عليش اگبالي تچفي الطوس
حتى بجيتك چذاب فَيِّ دخان
چملت المتن چويه وحزن مشموس
لم ضحكك وألم تعبي
شحلاتك من چنت مو عرف مااتانيك
شحلات الباب من يندگ لعب لو عيد
شحلات البيه وانت بعيد
عود وچان ناگوطك يردني اخضر
تمطر ع الحجر وارجع من امتاناك
مفضوح وبياضي اسمر
تموتني تعب وانطرح دم وتراب
مشيت وفشله اضل دم اعله راگ الباب
اخذ چفي الوا لو تدليني
يافانوس سيير خل افك حزني
شكو تكتبني امس واليوم تشطبني
شكبانين ماضاحك للمرايه
حزن ومعلگ بحانه ولا تنفعني الحچايه
ها يچمالت المتعوب يادمعي
هذا اخر فجر يبچيلي وابچيله
غنه بهداي غنيت اعله كيف الليل
كل شارع اغنيله نشد بهداي
كل موعد اغنيله بچي بهداي
تعب واتلاوه وي تعبي لوَن مريت
يالمالك شغل بيه
انا استبطيتك ومااجيت
عمريش الگذلتك ماتفييله
شكثر دردمتك بروحي
شكثر فز گلبي لخيال الحمام اليدنه يم بابي
يالما طوگت نيتك گماري لحزن سردابي
ارد منك وحيد وخايف من اليل
ارد خايف من اخيالي
واحط چفي اعله چف الباب
والشباچ فك صدره لحچي الدخان
ضويات المدينه تنام
وانه وحزني والشباچ يسترنا گفه الحيطان
واسد عيني اعله گد حلمي
ويفززني الضوه مكسر
ضوه بين الضلوع التكسر الخاطر
اضلوع السگف ماتجبر
غاد من النهر وجهه النخل مترب
بعد ماخاف من يلتم حچي المغرب...
![https://shababalrafedain.net/up/uploads/165995939657862.gif https://shababalrafedain.net/up/uploads/165995939657862.gif](https://shababalrafedain.net/up/uploads/165995939657862.gif)