غزل
مراقبة عام شباب الرافدين
- إنضم
- 2021-10-11
- المشاركات
- 45,954
- مستوى التفاعل
- 16,276
- النقاط
- 117
- الإقامة
- مختبئه خلف الغيمات
- جوهرة
- დ297,051
- الجنس
- أنثى
صفاء السراي
خيط النور
سمعتك صوت واندليت
بيني وبين أصابيعك مسافة خوف
واتهجاك، يا أول حرف تيّه مكانه وطار
نسيتك.. غوّش الشباچ
وتاهت من روازيني خيوط النور
يا أول حمامة تثور..
يا انت يا خيط النور
من چان الضباب يدور
من چان الگمر ما يدري وين يدور
من چان الصبح سفرة حلم للموت
إجيت إنت..
كسر ضيّك ظلام الكون
شمس تغزل حرير الگاع
ليل توسّد بكل خير
چنت إنت..
عرفتك واشتعل دمي خبز فقرة
عرفتك، وانصبغ دمي حلم فقرة
عرفتك من تهت بالناس
من چان العطش بالگاع ينهش خبزة الفقرة
چنت منبر،
چنت عاصف
چنت انت..
وعلى چتافك عبر كل حلم للثوّار
وعلى حروفك نسينا الخوف خبزة نار
وعليك انت..
درينا الموت خطوة لأول المشوار
وتعلمنا.. وبقيت تعلّم دروسك
من أول فجر حد گمرة الثوار
نگلك يا نبي الثوّار
ما ضاع التعب بينا
وجع روحك شمس بينا
لمض حزنك گمر بينا
ضماك وخنصرك والراس
تظل هيبة نصر بينا
واگلك يا نبي الثوّار
لو غاب الگمر ليلة
أديرن وجهي لعيونك
ألم روحي لضوه جروفك
وأشرب من عبيرك نور
وأتوضى بندى طيوفك
وأگلك من تجي المِحنة
احنا بيك آمنا
احنا بيك آمنا
