يه وحشه
وابره بيك
وأغسل ذنوبي .. وواكح مستحاي
واكَطع ابروحي العطش
وامروّة الحلوين ماي
ايضّيع اجروحي غواهه
ويعتلك شوقي جرح
وانته داوي
ومامش
المامش بعيني جزيره .. ونيه وحشه
وفكر ما صافي اعله راي
ايداهر اعيوني حلمهه ابليله ظلمه
وقبل ما يغفه الجفن يطفه ضواي
وبيدك آنه .. تاخذ عيوني
وتعبِّره مدد دنياك شوف
وتلهث بدمي .. عرج نخوه
وحيه
وساعات خوف
وتحتي بروحي .. وكاحه ونفس دافي
ودفقة امروه ... وعتابه وليل أوف
وأنه بيدك
لو شكتلي القيض عينك
ما تلم فيضي الجفوف
اربات كاع
وما شبك ليل الولايه .. ارموش عيني
ولا طف اصبيهه الضوه .. وعيت اتشوف
بيه حس الساجيه ..ولون الشموس
او بيه طعم السنبله .. وطيب الزلوف
اتطوف دنياك بدمعهه
ما رضت روحي
ابزعل موحان أطوف.
."
