وينك حبيبـي مبعد عنـي هنـاك
وين اتصالـك يا بعــد كل غالــــي
إن غبت عنـي .. غابت الروح وياك
تسهر عيونـي ما تبـات الليالـــي
يا شيـن وقتـي يا غناتـي بليـــاك
عمري بدونك .. لا حشا ما هنالـي
ياكـم اردد ونتـي زود فرقـــــاك
تدري حبيبي ضاق دونك مجالــي
ارحم بوصلك من يحبك ويهــواك
أسأل وليتـك تستجيب السؤالــي
والله عمـري لومضـى .. آتريـــاك
اصبـر ولا ابـدل بغيــرك بدالــي
قلب يحبـك يسعد ابيـوم لقيـــاك
تدري مرادي بس .. لحظة وصالـي
عين بشوفك تشرق بشمس رويـاك
وشوقـي تعدا يا حياتـي خيالــي
صدق حبيبي ما معي حد يسواك
ارجـع دخيلك .. يا بعد كل غالـي
