بعض أنواع الخشب المستخدمة في العمارة
في البوست ده هنقولك بطريقة مبسطة جداً إزاي لما تشوف أي خشب تقدر بكل سهولة تعرف نوعه إيه
بص يا سيدي.. السوق بتاعنا في مصر و في الدول العربية مشهور بـ 5 أنواع أساسية من الخشب (#موسكي و #موجنة و #زان و #أرو و #عزيزي)..
كل نوع خشب منهم ربنا خلقه ليه لون و شكل مختلف، شكل التعريقات الطبيعية اللي بتكون على جذع الشجرة بنسميها ثمرة الخشب أو تفجيرة الخشب
تعالى بقى نتعلم مع بعض إزاي نفرق بينهم من اللون و شكل الثمرة أو التفجيرة
1- #الخشب_الموسكي:
============
لونه أبيض مصفر - الثمرة بتاعته غير منتظمه الشكل - مليان عقد من المدورة اللي لونها بني محروق دي
الخشب الموسكي من أنواع الخشب الرخيصة نسبيا مقارنةً بباقي الأنواع و يعتبر أقل نوع فيهم من حيث الجودة و بنستخدمه دايماً في عمل الأبواب العادية
2- #الخشب_الموجنة:
============
لونه بين الأحمر و البني - الثمرة بتاعته إما مخططه أو شبه الدوامات.
الخشب الموجنة اسمه العلمي (ماهوجني) و هو من الأخشاب القوية و الغالية و لكن عيبه الوحيد إن معامل التمدد الحراري بتاعه كبير نسبياً.
ممكن نستخدم الخشب الموجنة في الأبواب أو الموبيليا.
3- #الخشب_الزان:
==========
لونه نفس لون النسكافية 3*1 و فيه منه نوع بيكون لونه بيج محمر - الثمرة بتاعته عبارة عن خطوط متقطعه كأنها نقط.
الخشب الزان من أجود و أمتن أنواع الأخشاب في العالم لأنه بيتميز بكثافته العاليه و بيستخدم دايماً في عمل الموبيليا عشان لما تروح تشتري العفش مع حماتك تبقى فاهم و على وضعك كدة
4- #الخشب_الأرو:
==========
الخشب الأرو يعني الشياكه كلها لأنه بيتميز بالشكل الجميل للثمرة بتاعته اللي انتوا شايفينها في الصورة دي - لونه بيج غامق شويه.
بنستخدم الخشب الأرو في شغل الموبيليا و الأبواب الفخمة و بيصنعوا منه قشرة إسمها قشرة أرو ممكن نلزقها على أنواع تانية من الأخشاب.
5- #الخشب_العزيزي:
=============
ماتستغربش لو لقيت خشب معمول بيه برجولا فوق سطح أو في لاندسكيب و مابيتأثرش بالمياة و الحرارة ده في الغالب خشب عزيزي و أكتر حاجة بتميز الخشب العزيزي هي تحمله الشديد للعوامل الجوية و الشمس و المياة و كمان إن معامل التمدد الحراري بتاعه قليل جداً و دي حاجة حلوة.
دايماً بنستخدم الخشب العزيزي في شغل اللاندسكيب و الأسطح و كوبستات البلكونات.
تقدر تميز الخشب العزيزي بكل سهولة من لونه الأصفر و الثمرة بتاعته لأنها شبه ثمرة الأرو إلى حد كبير.
الخشب العزيزي ليه اسم تاني في السوق "#بيتش_باين"
في البوست ده هنقولك بطريقة مبسطة جداً إزاي لما تشوف أي خشب تقدر بكل سهولة تعرف نوعه إيه
بص يا سيدي.. السوق بتاعنا في مصر و في الدول العربية مشهور بـ 5 أنواع أساسية من الخشب (#موسكي و #موجنة و #زان و #أرو و #عزيزي)..
كل نوع خشب منهم ربنا خلقه ليه لون و شكل مختلف، شكل التعريقات الطبيعية اللي بتكون على جذع الشجرة بنسميها ثمرة الخشب أو تفجيرة الخشب
تعالى بقى نتعلم مع بعض إزاي نفرق بينهم من اللون و شكل الثمرة أو التفجيرة
1- #الخشب_الموسكي:
============
لونه أبيض مصفر - الثمرة بتاعته غير منتظمه الشكل - مليان عقد من المدورة اللي لونها بني محروق دي
الخشب الموسكي من أنواع الخشب الرخيصة نسبيا مقارنةً بباقي الأنواع و يعتبر أقل نوع فيهم من حيث الجودة و بنستخدمه دايماً في عمل الأبواب العادية
2- #الخشب_الموجنة:
============
لونه بين الأحمر و البني - الثمرة بتاعته إما مخططه أو شبه الدوامات.
الخشب الموجنة اسمه العلمي (ماهوجني) و هو من الأخشاب القوية و الغالية و لكن عيبه الوحيد إن معامل التمدد الحراري بتاعه كبير نسبياً.
ممكن نستخدم الخشب الموجنة في الأبواب أو الموبيليا.
3- #الخشب_الزان:
==========
لونه نفس لون النسكافية 3*1 و فيه منه نوع بيكون لونه بيج محمر - الثمرة بتاعته عبارة عن خطوط متقطعه كأنها نقط.
الخشب الزان من أجود و أمتن أنواع الأخشاب في العالم لأنه بيتميز بكثافته العاليه و بيستخدم دايماً في عمل الموبيليا عشان لما تروح تشتري العفش مع حماتك تبقى فاهم و على وضعك كدة
4- #الخشب_الأرو:
==========
الخشب الأرو يعني الشياكه كلها لأنه بيتميز بالشكل الجميل للثمرة بتاعته اللي انتوا شايفينها في الصورة دي - لونه بيج غامق شويه.
بنستخدم الخشب الأرو في شغل الموبيليا و الأبواب الفخمة و بيصنعوا منه قشرة إسمها قشرة أرو ممكن نلزقها على أنواع تانية من الأخشاب.
5- #الخشب_العزيزي:
=============
ماتستغربش لو لقيت خشب معمول بيه برجولا فوق سطح أو في لاندسكيب و مابيتأثرش بالمياة و الحرارة ده في الغالب خشب عزيزي و أكتر حاجة بتميز الخشب العزيزي هي تحمله الشديد للعوامل الجوية و الشمس و المياة و كمان إن معامل التمدد الحراري بتاعه قليل جداً و دي حاجة حلوة.
دايماً بنستخدم الخشب العزيزي في شغل اللاندسكيب و الأسطح و كوبستات البلكونات.
تقدر تميز الخشب العزيزي بكل سهولة من لونه الأصفر و الثمرة بتاعته لأنها شبه ثمرة الأرو إلى حد كبير.
الخشب العزيزي ليه اسم تاني في السوق "#بيتش_باين"
