زهور
عضو V.i.P
- إنضم
- 2021-10-30
- المشاركات
- 17,141
- مستوى التفاعل
- 8,153
- النقاط
- 268
- الإقامة
- القلب موطن لكل من يعشق قلبي
- جوهرة
- დ123,040
- الجنس
- أنثى
عزيزة گلبه تدريني------ أريد أوداعه خليني
يا شيال نعش الوالي
***
زينب چني اسمعها تسولف والدموع تسيل
تگول بيا جرح ابدي انه جروحي تهد الحيل
يشيال النعش من يوم ناده بالسمه جبريل
علي سد الأجل بابه ولمصابه بچه التنزيل
هذا الصوت ----أصبح همي
الحد الموت----- يجري بدمي
بالله عليك تانيني----- أريد وداعه خليني
يا شيال نعش الوالي
***
وي طرت الفجر حيدر طلع متعني محرابه
ودعني ومشه عني وبقيت بدمعه سچابه
وبقيت بدري منتظره ونار بچبدي لهابه
ساعة ولن سمعت صياح الناعي ينعه لصوابه
صوت الصاح----- جف دموعي
گلبي طاح----- بين أضلوعي
راح الجان يحميني------ أريد وداعه خليني
يا شيال نعش الوالي
***
ناديت بگلب مالوم يشيال النعش بهداي
ريض لا تجد بالسير خطواتك جمر بحشاي
أبويه وارد أودعنه بجرح گلبي ودمع عيناي
يتيمه الوالي خلاني أعالج بلوته وبلواي
بلوه بنار ------عشت وياها
ليل نهار -----ما أنساها
شلون أنساها ياعيني----- أريد وداعه خليني
يا شيال نعش الوالي
يشيال النعش أقسم عليك بخالق القدره
وجدي المصطفى المختار وأمي فاطمة الزهره
يتيمه واليتيمه تريد ابوهه تودعه الكبره
وتريد عتابه وتگله عفتها البنتك محيره
بين إلاه -----وهم البيهه
وأويلاه -----يا واليهه
يتيمه لا تبچيني ----- أريد وداعه خليني
يا شيال نعش الوالي
***
بدمع الفاجعه ناديت شيال النعش من لاح
لعيوني جذبت حسره وصفگت الراح فوك الراح
يا وسفه صحت يا حيف عمد بيتي يخوتي طاح
حسن يحسين يا عباس حلال المشاكل راح
وأحنه أيتام ----بعده بگينه
والآلام----- كثرت بينه
فگد الوالي يا ذيني ----- أريد وداعه خليني
يا شيال نعش الوالي
***
مصيبة الي جرت وياي رسمها بناضري راسي
شلون أنساها والأيتام تهيج بيها إحساسي
وحگي لو صحت ياناس حيدر يا أعز ناسي
سيف ألي طبر رأسك ياليته طبر راسي
دم ألسال---- من الطبره
بالدلال ------ يسعر جمره
جرح الطبره سابيني ----- أريد وداعه خليني
يا شيال نعش الوالي
***
هاني حماده البلداوي
1433هجر..
