وماكو شي بالدنيا يكسر
غير اول شوفة للمتفاركين
التقينة..
وچان مو شيطان، ثالثنة الحنين
تقربتلك وانكسر گلبي وبچيت
بعد كل ذيچ الميانة ومستحين
چنت من تروح انتضرك تعود
من انتضاري وياك عايش قلق نسوان الجنود
خايف انسة وترجع بـ بيش انتظر
خايف يضيع العمر ..
انتَ لو رايدني ماتتركني هسه
لا تسولفلي بعذر
النهر لمن يفارك بالمناطق،
منطقة تمد اعلة الـ بصفها جسر
اني كل يومية اطب للبيت اضحك
هاي اول مرة ادخل منكسر
واني حسيت انتهينه
من حجيت هواي بس ماتلفظ اسمي
وزاد همي، اخ ياصدمة فراكك
من السجن طلقوا صراحي
ومن وصلت البيت شفت جنازة امي
[BGCOLOR=rgb(247, 218, 100)]- يونس محسن[/BGCOLOR]
