غزل
مراقبة عام شباب الرافدين
كلمات القصيدة :
غزل واحلى أشعاري تنشــده أطواري
غزل يرضـــي الباري من وحي افكاري
غزل يشرح حبي طول الزمن ساكن قلبي
****************
أول عشگ شفته ضـــــوه ساكن العين وابــــــــــدع جماله العالي ربنه تعاله سيّد شـــباب الجنّــــه مولاي الحسين ما أگدر اوصف خصله وحده ابجماله هلا.. ابجيته هلا.. بيّه سكن.. گلبي إله..ناده هلا إله..روحي إله..عگلــــي إله.. فكـــــري إله..كلّـي إله فلا.،مثله فلا.. أحــب ابدنيـــتي وامحـــبته تكفيني حاء وسين .. حبّ اسنين.. متعلم هذا الحب من محبوبي ياء و نــون .. سر مكنــون.. واتنـــوّر هالأحـــرف كل ادروبي وابذكره مبتشره عترة محمد
****************
وابلهفه روحــي تنتظر سَيْدِ الاحساس عين الخلگ تسجدلـه لو يَنْظرونه واقره الفلق من أذكـــره وسورة الناس خوفي البشر من طلعته يَحْسدونه گمر..أحلى گمر.. أبوالفضل.. بارض وسمه.. وحده گمر.. إسر..حبّه إسر..جن وإنس.. ويّا المَلَك.. كلشي إسر سهر.. جفني سهر.. على نور الگمر ظلّت تساهر عيني والعبّاس ..بالأنفاس ما فارگ إحساســـــــي كل أيامي دوم اوياي..مثل الماي.. كل لحظه يحتاجه شوگي الظامي وابنوره مسروره عترة محمد **************** أنثر ورود امحبــــــــــتي باجمل اعياد واستقبله بالزينـــــه مولد إمامي هــذا سمــــيِّ المرتضــــى زين العباد إسمه صبح تاج وعِـــلا عالأسامي علي..ثاني علي.. منّه شفت .. گلبي يدگ .. نبضه علي ولي ..أغلى ولي ..لجله فده.. أمّي وابي.. وآنه وهلي إلي ..عشگه إلي نجاتي وعشگه وحده شلته كل اسنيني عشگه صـار.. جنّه ونار.. وافراگـــــــــه ناري والجنّـــه گربه وآنه اهواه.. ما أنساه.. حبّيته من زعـــــري وعشت ابحبّه وفرحانه المولانه عترة محمد
