منقول عبد الرحمن التميمي (البصرة) أمس غنه الحزن بيَّ

[Gardi]

#قصيدة_وشاب





عبد الرحمن التميمي (البصرة)





أمس غنه الحزن بيَّ


واشتهيتك ..


بين كل هذا الضباب


وصوت واهس ،


يفتر بالمدينه الوان ..


أمس كل الحنين يناغي بالروح





امس كل الحزن دخان ..


ياحبيبي ..


انا بجرحي إلك انباع !


تبوس ايدك حبيبي ،


تريد إنسان هاي الگاع!


تريد إنتَ ..


أو بعيد إنتَ!


أو بعيد آنه!


ولك خذني ..





اشتهيتك ياحبيبي ..


انتَ بيدك ،


تگدر اترجعني لايامي المضت وحشه ..


وتكتبني قصيده انتَ بعد تگدر


يفز بيها الضمير اشكال .!


او يضيع ويه الحزن ضيها


او تصرخ للوطن والگاع ،


وتشرب كل عطشها الگاع


او ينبض بالقصيده احروف ،





تتسودن على النجمات!


وتكتب لليعشگون احلام ..


ياحبيبي ..


الليله اشتهيتك ..


وبكل اغانيي تنيتك!


وين الگاك؟!


دوريتك


بطراف المدينه الخذاها الخوف ..


وبكل شوارعها السان ..





ابكل حايط ودكان ..


كل خطوه إلك بيها ألف نيشان ..


بعدك كل مُدنّا ارماد!


اشطبت كل الحزن والناس ..


وبس انتَ الحزن والناس!


بس إنتَ حبيبي الناس.

 

[هيبة ضابط]

روعه

 

[Gardi]

مرورك الروعة

 

[كاسر القانون]

اشتهيتك ياحبيبي ..


انتَ بيدك ،


تگدر اترجعني لايامي المضت وحشه ..


وتكتبني قصيده انتَ بعد تگدر

تسلم ايدج ع ذوق والحس العالي

 

[هيبة ضابط]

احسنتم

 

[Dunea]

مشاركة مميزة حبي

 

[هيرا]

شكرا