منقول عريان ال سيد خلف هويت الناس كلها وصرت وحدك ناس

[Gardi]

عريان ال سيد خلف





هويت الناس كلها وصرت وحدك ناس


ورسمت الشوگ شامة بوجه الولاية


يالمحَزَّم سِتِرْ ودموعك مفَرْعات


كل دمعة اعله دربك خضّرت داية


شِلِتْ يا ما شلت هم وملامح ناس


وطفل دمعِتَه بخدّه وضَحْكِتَه حچاية


شلت حفنة ليالي مبللات بعوز


وعصرت العوز حد ما جَرّحِتْ مايه





شلت صبر النواعي وظيم الحديثات


وشلت موتك عطش وتفطِرَت آية


شلت تنور حزنك والدموع اِشجار


ونسيت تشيل روحك وانته حِنّاية


يمرسال الحِسِن للهادلات الليل


على متون الحلم يالصوتك مراية


شمعدانك ذبل من طُفَت روح الهور


بس ظليت ناسه وحسرته ونايه


وترافة وحشته ورفّة جنح غرنوگ





وفِشَگ مشدود طيفه بعين رمّاية


شلت موتك نبع والظاميات هواي


الترافة..المستحة..الطيف..النده ..الراية


يعرّيس القصايد غزل منهن بيك


يطرزنّك حبيب وهيبتك صاية

 

[Dunea]

عاش ذوقج

 

[هيبة ضابط]

من أجمل الاشعار

 

[Gardi]

منورين ياهلا

 

[هدير الامواج]

يسلموووو على الطرح الرائع