وسام سباهي
( الشاهدة )
كل رصاصة تفوت من صدرك غريـبه
كل بعيد يشوف بيبانك جريـبه
طيح گبل الناس اذا عندك حبيـبة
الروحه تسكت ينوخذ صوته ذليل
الظهره فارغ يستحي يچهبه الدخيل
ومايجيس الغيم چفه
المو معزب ع سواتر
ينحسب عابر سبيل
شما گصر عمر النهار يطول بيك
ولو توازيت بغبشتك ..فصل من الشمس ثوبك
وانزع الليل الطويل
تيه واندل وين روحك
وعيش فوگ ..الموبكدك مايلوحك
سولف وي الله اعله عشكك حته تبرد
واشتري الذمه گصايب ماخذه من الشيب چرغد
انت باب ..او واكفة الجنة وراك وشيلة امك
الباك روحك باك چم ناطور بس ماباگ دمك
هدومك البيهن تراب وعطر وجهك
للگصص صغناهه تربه
موغريب الصوت ... بس الناس غربه
منين ماتنباع كاعك تشتريك
منين ماتركض حلم شعبك يجيك
وسولفولي
كالو نريدك اكليل لكل عروس
تريد للتاريخ تنزَف
كالو نريدك على البيبان حنه
وناخذك شباچ للطف
وبشروني
ومن وره المرقد وجه شاهد خذوني
ومن هوايات الحرب
جابو وصيتي وحشموني
باچر نشوفك شهيد
وغيرك يعيشون زحمه
باچر اتطيح السمه وترثيهه نجمه
باچر التابوت يلگه جنازتك مابيهه نسمه
كلهه تزغر .. وانت تكبر يم ضميرك
وانت تدري بكل شهيد يغيب
بس اليحضَر اسمه
( الشاهدة )
كل رصاصة تفوت من صدرك غريـبه
كل بعيد يشوف بيبانك جريـبه
طيح گبل الناس اذا عندك حبيـبة
الروحه تسكت ينوخذ صوته ذليل
الظهره فارغ يستحي يچهبه الدخيل
ومايجيس الغيم چفه
المو معزب ع سواتر
ينحسب عابر سبيل
شما گصر عمر النهار يطول بيك
ولو توازيت بغبشتك ..فصل من الشمس ثوبك
وانزع الليل الطويل
تيه واندل وين روحك
وعيش فوگ ..الموبكدك مايلوحك
سولف وي الله اعله عشكك حته تبرد
واشتري الذمه گصايب ماخذه من الشيب چرغد
انت باب ..او واكفة الجنة وراك وشيلة امك
الباك روحك باك چم ناطور بس ماباگ دمك
هدومك البيهن تراب وعطر وجهك
للگصص صغناهه تربه
موغريب الصوت ... بس الناس غربه
منين ماتنباع كاعك تشتريك
منين ماتركض حلم شعبك يجيك
وسولفولي
كالو نريدك اكليل لكل عروس
تريد للتاريخ تنزَف
كالو نريدك على البيبان حنه
وناخذك شباچ للطف
وبشروني
ومن وره المرقد وجه شاهد خذوني
ومن هوايات الحرب
جابو وصيتي وحشموني
باچر نشوفك شهيد
وغيرك يعيشون زحمه
باچر اتطيح السمه وترثيهه نجمه
باچر التابوت يلگه جنازتك مابيهه نسمه
كلهه تزغر .. وانت تكبر يم ضميرك
وانت تدري بكل شهيد يغيب
بس اليحضَر اسمه
