چن سفره او مامش بس روحي
احچي اوياه ايردني بنوحي
و اشگف چفّيني اعلى عيونه
و اتباها او تضحكلي سنونه
او لو فزّيت اتصدني جروحي..
يا درب الخاتون الضيّج
گاعك ما ترضى او نمشيها
اشعل شمعاتي بنص ليلك
ترجع بحچايه اتطفّيها
كل باب او حاضن بسماره
ليّن حضني او حضنه احجاره..
دخّاني اشما يطلع غرّب
يوصل يم دارك تاليها
او لو طخ شبّاچك يتعلّل
سدّيت البرده او تچفيها..
اسمع خطواتك من تمشي
ايفز گلبي او يترطّب رمشي
و احضن طيفك يل ما ترضى
كل ليله اتفزّز ماضيها..
يل هورك يشبه ترچيّه
ايهزهزني او تختضّن بيّه
يا يوم او تقبل تتحنّه
و اتلمني اوياك الخاچيّه
اكسر كل سجنك و اسواره
و اتضوگن عشك ابن عماره..
يمته اعلى اضلوعي تمر بيها
و جروحي بشفتك تشفيها
كحلك لو مَر اعلى عيوني
تشبگني الجنّه بطاريها..
# بقلمي
احچي اوياه ايردني بنوحي
و اشگف چفّيني اعلى عيونه
و اتباها او تضحكلي سنونه
او لو فزّيت اتصدني جروحي..
يا درب الخاتون الضيّج
گاعك ما ترضى او نمشيها
اشعل شمعاتي بنص ليلك
ترجع بحچايه اتطفّيها
كل باب او حاضن بسماره
ليّن حضني او حضنه احجاره..
دخّاني اشما يطلع غرّب
يوصل يم دارك تاليها
او لو طخ شبّاچك يتعلّل
سدّيت البرده او تچفيها..
اسمع خطواتك من تمشي
ايفز گلبي او يترطّب رمشي
و احضن طيفك يل ما ترضى
كل ليله اتفزّز ماضيها..
يل هورك يشبه ترچيّه
ايهزهزني او تختضّن بيّه
يا يوم او تقبل تتحنّه
و اتلمني اوياك الخاچيّه
اكسر كل سجنك و اسواره
و اتضوگن عشك ابن عماره..
يمته اعلى اضلوعي تمر بيها
و جروحي بشفتك تشفيها
كحلك لو مَر اعلى عيوني
تشبگني الجنّه بطاريها..
# بقلمي
