حيدر حسين المياحي ..
هاي عيون....!
لو دجله وعليها مجلجل الزيتون
هاي عيون....!
لو ذني طلاسم؟
والطلاسم شوف بيهن چم لغز مدفون.
حسنك ما حوت منه الانس والجان
وتدريني بهواك امن الزغر مفتون
نضح عودك محبه وطيب يابو الطيب
والماعون ينضح ماحوى الماعون
حبيتك ترف لامكر لا محتال
ملعون اليخادع بالعشگ ملعون
جانون امن اشوفك يطفه بالدلال
ويوم تغيب يدوي أخمصطعش جانون
يردونه نتفارك خوش عدهم راي
مديوف اويه دمي هواك مايدرون
خليها العواذل تحجي هيج وهيج
ما بدل محبتك لو ملك قارون
كول شما حجه لسانك يساهي العين
انه بطوع امرك خادم وممنون
اطلب ما حلالك روحي ! لب حشاي !
صدكني لعيونك كل عزيز يهون
شمحلاته المعاتب عين تخزر عين
وادموع العيون اتكحللهه جفون
الحك شوف مر بيه وحملت الظيم
وانه خلاف عينك للحزن مرهون
خلني بسجن شوكك حد كطاع النيط
هنياله اليموت بشوككم مسجون
هاي عيون....!
لو دجله وعليها مجلجل الزيتون
هاي عيون....!
لو ذني طلاسم؟
والطلاسم شوف بيهن چم لغز مدفون.
حسنك ما حوت منه الانس والجان
وتدريني بهواك امن الزغر مفتون
نضح عودك محبه وطيب يابو الطيب
والماعون ينضح ماحوى الماعون
حبيتك ترف لامكر لا محتال
ملعون اليخادع بالعشگ ملعون
جانون امن اشوفك يطفه بالدلال
ويوم تغيب يدوي أخمصطعش جانون
يردونه نتفارك خوش عدهم راي
مديوف اويه دمي هواك مايدرون
خليها العواذل تحجي هيج وهيج
ما بدل محبتك لو ملك قارون
كول شما حجه لسانك يساهي العين
انه بطوع امرك خادم وممنون
اطلب ما حلالك روحي ! لب حشاي !
صدكني لعيونك كل عزيز يهون
شمحلاته المعاتب عين تخزر عين
وادموع العيون اتكحللهه جفون
الحك شوف مر بيه وحملت الظيم
وانه خلاف عينك للحزن مرهون
خلني بسجن شوكك حد كطاع النيط
هنياله اليموت بشوككم مسجون
