طيره حره
سرك ابير ودفنته وما حچيت
انه صندوگ الزلم واسرارهه
آنه فجار القوافي وما شكيت
موش مثلي الماعرف فجارهه
جدمي ماگاصد رخيص ولامشيت
ولاتعنيت التشيع اخبارهه
ماتغرني العيطه وبفيهه انتچيت
هيبة العيطه تره بجمارهه
آنه اخلبص وآنه احل لو شربكيت
الشور مني وحكمتي وتدبارهه
آنه عتباري على گدي وفصليت
وغيري مخبونه ويگش عتبارهه
آني زوره وغير ديمك ماحظيت
برجلي ادوس وساحج بنبارهه
آنه تهواني الغميجه شما بطيت
واركش بكيفي التزر باكتارهه
من يطگ عرج الزعل لو مارضيت
ماله والي شما تلم طشارهه
مايحط طيري ويوچيله على بيت
ولاصفگ جنحه على غير اسوارهه
مايوالف غيري خافنك نسيت
ودوم اهده يوچر على اديارهه
كلمن يذمني بگفاي اتعذريت
وفوگ سبعينه اچمل اعذارهه
صافي وي ماي الزلال اتوارديت
والمناير ماتضم شنجارهه
روحي تطرب للهلا وماغندبيت
ومايهمني شما ثگل خطارهه
روضتها وفوگ من عدهه اعتليت
طيره حره وتسبل الصگارهه
صالح ديوان الطويل٢٠٢٠
سرك ابير ودفنته وما حچيت
انه صندوگ الزلم واسرارهه
آنه فجار القوافي وما شكيت
موش مثلي الماعرف فجارهه
جدمي ماگاصد رخيص ولامشيت
ولاتعنيت التشيع اخبارهه
ماتغرني العيطه وبفيهه انتچيت
هيبة العيطه تره بجمارهه
آنه اخلبص وآنه احل لو شربكيت
الشور مني وحكمتي وتدبارهه
آنه عتباري على گدي وفصليت
وغيري مخبونه ويگش عتبارهه
آني زوره وغير ديمك ماحظيت
برجلي ادوس وساحج بنبارهه
آنه تهواني الغميجه شما بطيت
واركش بكيفي التزر باكتارهه
من يطگ عرج الزعل لو مارضيت
ماله والي شما تلم طشارهه
مايحط طيري ويوچيله على بيت
ولاصفگ جنحه على غير اسوارهه
مايوالف غيري خافنك نسيت
ودوم اهده يوچر على اديارهه
كلمن يذمني بگفاي اتعذريت
وفوگ سبعينه اچمل اعذارهه
صافي وي ماي الزلال اتوارديت
والمناير ماتضم شنجارهه
روحي تطرب للهلا وماغندبيت
ومايهمني شما ثگل خطارهه
روضتها وفوگ من عدهه اعتليت
طيره حره وتسبل الصگارهه
صالح ديوان الطويل٢٠٢٠
