Gardi
المديرة .
بعيون النبي فرحه | وسرور الفرح شي وصفه؟ |
زفَّة عرس من بيته | طلعت.. والمن الزفَّه؟ |
أبو ذر گايد الهودج | وعمّار ايحدي ابصفّه |
ويرش ماي الورد سلمان | ويمشي ابفرح وابلهفه |
وشمعه شايل المقداد | عليها ايخاف لا تطفه |
او وگفت كل بني هاشم | عشيره او واگفه وگفه |
ونسوان النبي اتهلهل | نشيد الفرح عالشفّه |
السمه تبرگ فرح والگاع | وي لون السمه امكيفه |
شمس الشرف هالليله | تشرِّف عتبة العفّه |
وعلي واگف اباب الدار | وآداب السمه اتَّحفه |
وديعه الزهره للكرار | من چف النبي الچفه |
ضحكت فاطمه وشافت | أبوها ابواجبه وفّه |
الأبو خيمه البناته ايصير | مو بس للولد يصفه |
الأبو ينراد بالزفه | صدگ ينراد بالزفّه |
