استاذ الشعر الشعبي
غانم الفياض
// محطات//
انتمي لكل الطيور الخالطت دمهه بدمي
انتمي لكل دمعه حلوه وضحكه حلوه
ابكل شفايف آدَمي
انتمي لكًـطرة نزيف اتساوي كل لمعة شِعرنه الملحمي
انتمي لميزان اهلي الماغـّرف فد يوم چـّفه المـّايله
وانتمي لكل چلمه مني..
وكل حرف مكتوب بيدي وكًـايله
انتمي لسوك الشيوخ البيه ثالث علم طب چان ابوي الشايله
انتمي لنهر الدموع ابعين امي المانشف فد يوم ريجــه
انتمي الكلمـــــن مشـــــــه ابدرب الحُسيـن
باع روحه ومارضــه ايبطــــــل طريـــجه
انتمي لكلمـــــن يبـــات الليـــل جايــع
مادنت نفــــسه واكـــــل خبـــــــزة صديـــجه
انتمي لبستــان جدي الما احب بستــــان مثلــه
وانتمي لكل نبته غصبن عالجروح البيهه تعله
واكـره النخله التحمل مره وحده ومن تحيل اتحمل سله
واكـره ابنادم مثل عصاة موسى الينكًـلب
كل ساع شكله
انه خالطت بحياتي اشكال.. صادقت الشوارع
والجوامع... والسواتر والمواضع
تابعت كل القضايا وماصرت فد يوم تابع
آنه حبيت العراق ووعلكًت بعيونه اهدافي ومصيري
ماتخثر دمي من طول الطريچ ولاعثر جدمي ابمسيري
وغيري من ساوم عله حدود العراق وباعه غيري
وغيري ماكمــل طريجـــــه وطـــــاح غيـــــري
من اكـــــــل مني الحصـــــــار ماكلــت من قوت غيري
صـح بــعت مــره قمـيصي
بس چنت معذور من بعت القميص حتى لا بيعـَن ضميري
غانم الفياض
// محطات//
انتمي لكل الطيور الخالطت دمهه بدمي
انتمي لكل دمعه حلوه وضحكه حلوه
ابكل شفايف آدَمي
انتمي لكًـطرة نزيف اتساوي كل لمعة شِعرنه الملحمي
انتمي لميزان اهلي الماغـّرف فد يوم چـّفه المـّايله
وانتمي لكل چلمه مني..
وكل حرف مكتوب بيدي وكًـايله
انتمي لسوك الشيوخ البيه ثالث علم طب چان ابوي الشايله
انتمي لنهر الدموع ابعين امي المانشف فد يوم ريجــه
انتمي الكلمـــــن مشـــــــه ابدرب الحُسيـن
باع روحه ومارضــه ايبطــــــل طريـــجه
انتمي لكلمـــــن يبـــات الليـــل جايــع
مادنت نفــــسه واكـــــل خبـــــــزة صديـــجه
انتمي لبستــان جدي الما احب بستــــان مثلــه
وانتمي لكل نبته غصبن عالجروح البيهه تعله
واكـره النخله التحمل مره وحده ومن تحيل اتحمل سله
واكـره ابنادم مثل عصاة موسى الينكًـلب
كل ساع شكله
انه خالطت بحياتي اشكال.. صادقت الشوارع
والجوامع... والسواتر والمواضع
تابعت كل القضايا وماصرت فد يوم تابع
آنه حبيت العراق ووعلكًت بعيونه اهدافي ومصيري
ماتخثر دمي من طول الطريچ ولاعثر جدمي ابمسيري
وغيري من ساوم عله حدود العراق وباعه غيري
وغيري ماكمــل طريجـــــه وطـــــاح غيـــــري
من اكـــــــل مني الحصـــــــار ماكلــت من قوت غيري
صـح بــعت مــره قمـيصي
بس چنت معذور من بعت القميص حتى لا بيعـَن ضميري
