قارورة وفه
جنني هواك من حيث لا ادري
في رثاء عبدالله الرضيع عليه السلام
بياذنب تنجرح
وبالسهم تنذبح
عبدالله يُمّه
.................
بالمهـد محلاتك. تبتسم وجناتك
افرح بضحكاتك. ياحبيبي
وردتي الفوّاحه. بشوفتك مرتاحه
للگلـب سبّـاحه. ياطبيبي
يانسيـم الهوه
وللمواجع دوه
عبدالله يُمّه
....................
ابمهدك تناغيني يبني وتسلّيني
نومك ابچفّيني. ما عفتني
مو طفل چن آيه. تقره عيني قرايه
تـفــرح ابملـگـايه. لو شفتني
بوجهي من تبتسم
تـجـلي عنّـي الألم
عبدالله يُمّه
.....................
ما حسبـت ابّالي كربله يالغالي
بيها تعطش تالي. هالمسيه
تصرخ يسمعونك. ماي ما يسگونك
بالسهـم يرمـونك. آل اميه
يانـبـع فـاطـمـــه
اسّوّه بيك الضمه
عبدالله يُمّه
......................
بحضن ابوك وصابك. حرمله وماهابك
بالوريـــــــد اصوابك. يامصابي
والــــدك لـخيــــامـي. يبني جابك دامي
ضامي چبدك ضامي. ياعذابي
بعيني شفت السهم
يبني حيلي انـهـدم
عبدالله يُمّه
.......................
يالحِلالك نومك. بحضني تجري دمومك
غيّروها رسومك. يبني يبني
يالرحت وعيونك. ما اعيش بدونك
تـرضـع يذبحونك. آ يحـزني
عايف امّك تون
ما رحمها الزمن
عبدالله يُمّه
بياذنب تنجرح
وبالسهم تنذبح
عبدالله يُمّه
.................
بالمهـد محلاتك. تبتسم وجناتك
افرح بضحكاتك. ياحبيبي
وردتي الفوّاحه. بشوفتك مرتاحه
للگلـب سبّـاحه. ياطبيبي
يانسيـم الهوه
وللمواجع دوه
عبدالله يُمّه
....................
ابمهدك تناغيني يبني وتسلّيني
نومك ابچفّيني. ما عفتني
مو طفل چن آيه. تقره عيني قرايه
تـفــرح ابملـگـايه. لو شفتني
بوجهي من تبتسم
تـجـلي عنّـي الألم
عبدالله يُمّه
.....................
ما حسبـت ابّالي كربله يالغالي
بيها تعطش تالي. هالمسيه
تصرخ يسمعونك. ماي ما يسگونك
بالسهـم يرمـونك. آل اميه
يانـبـع فـاطـمـــه
اسّوّه بيك الضمه
عبدالله يُمّه
......................
بحضن ابوك وصابك. حرمله وماهابك
بالوريـــــــد اصوابك. يامصابي
والــــدك لـخيــــامـي. يبني جابك دامي
ضامي چبدك ضامي. ياعذابي
بعيني شفت السهم
يبني حيلي انـهـدم
عبدالله يُمّه
.......................
يالحِلالك نومك. بحضني تجري دمومك
غيّروها رسومك. يبني يبني
يالرحت وعيونك. ما اعيش بدونك
تـرضـع يذبحونك. آ يحـزني
عايف امّك تون
ما رحمها الزمن
عبدالله يُمّه
