گبل مرسالي اجيتك

[قارورة وفه]

هاي چم ليله التفززني عله بابك
هاي چم نجمه الحضت بيك بطرفهه
او لاگمر للشوگ جابك
يامه نام بطولي بابك وانه گاعد
يامه يتحفاك گلبي دروب لهفه وانت بارد
هاك طفي چفوف حزني ابمايك من سنين راكد
هاك اخذ كل البچن فوگ الكواغد
هاك روحي الجاستك ديرة محنه. ونت صحره
وهاي اصابيعي تصيحك لاتفك شباچ هندس ونت گمره
بيع حزنك وشتريني
المثلي ماينباع ليله
المثلي فوگ اشفاك يمشي
انه المدليك روحك
وانه.. ياغيم العشگ بجروف قمصانك الوحك
انه كبل الآخ احبك
انه بس يمك وطن واندار يمك
لاتسد بابك ملامه ..
دروب ليل وحچي بشفافي يفر فرة حمامه
الليل مابياش انامه
لاتضيعني بغربتي
بطول ثلجك بيش اغثك لو چفيت الروح شامه
خذني يمك عين صبخه الماتشوفك
خذني جنحين وتعنه غيوم طيفك
خذني جربة شوگ وچفيني بتراب الله عله كيفك
انه من اول جزيره طيحت اهلال اعتنيتك
انه من اخر حزن بالناس ليلة عرس تتلولح اجيتك
انه گبل طيوفك التنشم حچيتك
گبل مرسالي اجيتك
انت وبكلهن تشمَّت وبچيتك
ليش من ياهي چفيتك
ليش طرزت الضمه ثوب عله طولي
وبعت حيلي عله المناجل
ليش مافيّت مواعيدك هلا وشالتني غيمه
ليش
گيّدت آلچفوف التحسب بكل خطوه من جدمك مناره
ليش ماغليت روحك فوگ يمي
ورجَّفت عمرك ضوه بسنين گلبي

ليش مابعتك ضحچ يربات همي​

 

[سارة البابلية]

الله الله
تشكرات لجهودك المميزه

 

[هدير الامواج]

يسلمو اخي
وشكراً لك على الاحساس الجميل
والمشاعر الجياشه التي نثرتها
في متصفحك هذا.
دمت بخير وبود وسعاده..