قارورة وفه
جنني هواك من حيث لا ادري
على اقبور البــقـــــيع آلام مرسومه
خـــــيام ومنحـــــر وايتام مهـظومه
*
متــت بالسم يقيني وݘبدك اتـــــﮔطع
واشد مــن عنده ﮔلبك سيدي اتجرع
كاس احزان يـــــوم العاشر اليفجــع
فجع ﮔلبك إمامي مــــــن حزن يومه
*
يـﮔلون احضرت بالطف صغـيرالسن
ومنهه ﮔلبك اتعـلم يحــــــــن ويـون
شفت عبدالله دامي وذكـــرت محسن
اخبار الـــــــــزݘيه الزهــره معلومه
****
شفت منحرحبيبك والدمه يــــجــري
صحت ياجد يريت افديتك ابنـحــري
ويريت ابكربله اوياك انخـتم عمري
وݘبدتي كـــون من الماي محرومه
****
شفت طــــــفله يسلبوهه تـراݘيهه
ردت ݘـــنك يــــبوالغيره تحـاميهه
تـﮔطـــع ايد جـــور انمدت اعليهه
تفـــزع لوبيـدك ابــــروح مهمومه
****
خيمكم شاهدتهه تـــلتـهــب نــيران
ومن عدهه ذهيله فـــرت الـنسوان
وݘنك تركض وﮔـاصد ﮔمر عـدنان
لـﮔيته ابلاݘفـوف وهامه مهشومه
****
يهــون السم عليك ومايهون حسين
وتـﮔطعت ݘبدتك من ﮔطعة الـݘفين
الف مره ﮔـــــــبل موتك لفاك البـين
شفت ݘم زينبيه انسبت مضيـــومه
******
....حيدر كريم جار لله الكربلائي
وتـﮔطعت ݘبدتك من ﮔطعة الـݘفين
الف مره ﮔـــــــبل موتك لفاك البـين
شفت ݘم زينبيه انسبت مضيـــومه
******
....حيدر كريم جار لله الكربلائي
