ادعي والدمع بلل الشباج

[قارورة وفه]

ما ألومك حبيبي هواي ضحيت
وفي لأخر دقيقة وياي ضليت
تحملت الملامه من أقرب الناس
وعني شكم سهم مسموم صديت
مو بيدك ولابيدي الجره وصار
الزمن ماراد يجمعنه ابفرد بيت
يزفونك حبيبي لغيري وشلون
أحس كلي على بعضي بنار وجيت
ترن بأذني الهلاهل وافز مرعوب
وجمر بعيوني يتطشر الجكليت
على صوت الطرب اهلك يغنون
وانا بطور الحزن مذبوح غنيت
متحنيه العواذل مو فرح غيض
وانته بيا جرح منهن تحنيت
كبل ليله اسألتني وكتلك تهون
وبست كلبك بحركه وبيه وصيت
ومشي الباب الحوائج رحت ملهوف
حضنت عتبة الباب او يمهه صليت
ادعي والدمع بلل الشباج
ومدري اشجم علك بالعروه شديت
من باجر بعد تطفه المواعيد
وادعي الله الصبر لو الك حنيت
وادعي الله الصبر لو الك حنيت ​

 

من تعاشرلك ولف بالك تعوفه

كضة وكت المروة وماتت الضحكات

[✨♬♥ نـــور العاشقين ♥♬✨]

يـسلـمؤؤؤؤؤؤؤ

 

[كراميلا ❥]

جميل غلا