مرّت الايام بينا
و آنه بين اهناك .. بين اهنانه
و آنه اتمنى ضحكتك
و آنه اتمنى چلِمتك
و الضلوع اللي عفتها اشحالها
ترجف او بردانه
چنها ظلمه الدنيا و آنه
و آنه امد ايدي ادورَك
بالچذب عود آنه ابوسك
بالچذب شايف فرحتك
و أگطف الرمّان بيدي
و اسگي بشفافي حِلِمتك
و ايدي لاگطاف الورد جوعانه
سولفتلك..
كل شي بيه
كل شي مر بيّه اب غيابك
نزلت الدمعه اعلى خدّك
اب حجّة امسحها بيديه
يا حلو .. دگيته بابك
من شفتها المستحاتك
وچّد إگليبي جوابك
ترجف اشفافي اب هدوءك
تنتظر حيرانه
من حضنتك كل شي بيّن
مشتهاتي.. مشتهاتك
فزّن او هلهل عشگ دنيانه
من اشمّك..
ريحة العنبر تطگ دفيانه
من اضوگك..
چنها طشّت هيل چانت
مدري نسمة هور ضاعت
او صدفه شمّتها الفجر معدانه
و السفينه ال بيها جيتك
خل ابشرك..
طاحت او غرگانه..
او من رِجَفنا
و آنه اضم صدري اعلى صدرك
إبتسمَت عيونك اظنها
او من سألتك..
وردن اخدودك خجلها
گتلي.. لا .. نعسانه
صلّت انفاسك عشگها
و الغصن ظل يمطر اب ريحانه..
# بقلمي
و آنه بين اهناك .. بين اهنانه
و آنه اتمنى ضحكتك
و آنه اتمنى چلِمتك
و الضلوع اللي عفتها اشحالها
ترجف او بردانه
چنها ظلمه الدنيا و آنه
و آنه امد ايدي ادورَك
بالچذب عود آنه ابوسك
بالچذب شايف فرحتك
و أگطف الرمّان بيدي
و اسگي بشفافي حِلِمتك
و ايدي لاگطاف الورد جوعانه
سولفتلك..
كل شي بيه
كل شي مر بيّه اب غيابك
نزلت الدمعه اعلى خدّك
اب حجّة امسحها بيديه
يا حلو .. دگيته بابك
من شفتها المستحاتك
وچّد إگليبي جوابك
ترجف اشفافي اب هدوءك
تنتظر حيرانه
من حضنتك كل شي بيّن
مشتهاتي.. مشتهاتك
فزّن او هلهل عشگ دنيانه
من اشمّك..
ريحة العنبر تطگ دفيانه
من اضوگك..
چنها طشّت هيل چانت
مدري نسمة هور ضاعت
او صدفه شمّتها الفجر معدانه
و السفينه ال بيها جيتك
خل ابشرك..
طاحت او غرگانه..
او من رِجَفنا
و آنه اضم صدري اعلى صدرك
إبتسمَت عيونك اظنها
او من سألتك..
وردن اخدودك خجلها
گتلي.. لا .. نعسانه
صلّت انفاسك عشگها
و الغصن ظل يمطر اب ريحانه..
# بقلمي
