الذكريات تحطلي سيف

[قارورة وفه]

شفاتلها واخذت مهجتي
شكبرها
باجر تشمك غريبه
وتاخذ الما خذته بيك
وتنطفي نارك ب سدها
وتستحي تفتح عيونك
وتنسى ضلمه
وتستر الضلمه عليك
باجر ايحنون ايديك
وتركص ب فرحه العاشك
من يزفوله الحبيبه
باجر يخلص مشطها
ومن اصابيعك تضل تضوي الكصيبه
باجر اتبات بفي كذلتك
باجر ارموش اعيونها تشابك عيونك
باجر اتدنك عليك
و مثل روحي
ايطيح كل قوته الشعر ل امتونك
باجر انسل وانسحن واحيا
وأموت بدونك
باجر اتونسك
وتسمع صوت من خلخالها
وباجر الحلوه تجي تغنيلها
تصير شاعرها، وابوها، ومطرب، ومهوالها
"فلانه اجت لعيالها وطير السعد يبرالها
باجر اتحبك لان خيالها
اخ يالروحك بخور
احسدها جي من تحترك .. تترس عطر غرفتها
باجر اتغمض عينها بصفك
ومرتاحه لان كشختها
باجر تنور الدنيا
وتطلع بفي الشمس مثل الكمر
باجر يخبلن ايديها ب حلقتي
ويخبل بعيني السهر
باجر اتوسد دمعتي
وحتى بناتك ينسن جوى المطر
تنام بحضنها وهن يغفن عالرصيف
وتطفى روحي وكلشي عندي يصير طيف
باجر ابرد والكه صوره اتدفه بيها
ومن تروح وياك يبقى بكلبي بس ذره رفيف
بأجر بزودك حبيبي
الذكريات تحطلي سيف
باجر ايطيحن اوراقي واذبل ويبدي الخريف​

 

همسات ناعمه

الشاعر بهاء سوادي جالت كل صحاري الروح ميّاله بگصيبتها..

[كراميلا ❥]

جميل غلا

 

[اموري]

شكرا جزيلا