بحه وبصوت البلابل

[قارورة وفه]

همست ولا جني اسمع
همست وضل كلبي يطمع
فاضت الروح بعشكه
كعبه واليسمعه يخشع
صوت ترنيمه عله شفتج
ما شفت مصلوب يركع
بكلمه والنخلات حَملن
تكلي جمارك ماينفع
تكلي ذاك الوكت وله
أشجار من كليبي تَشلع
انه احسدج عله نهرج
فاض والحسره ماتشفع
وانه يمي نهر جارف
عوز بس اشفاف تنكع
واعديته ومانسيته
لا ولا فد يوم أشبع
صوت من هناك يشجي
يصيح بحبابك لاتكطع
بحه وبصوت البلابل
تخيل انته شلون تطلع
مسافر وباحلامي عايش
خلي واحد منه يرجع ​

 

تلوم الناس بيه وانه ميت بيك

اذوب بطعم شفتك حتى ما اعاني

[هدير الامواج]

 

[قارورة وفه]