قارورة وفه
جنني هواك من حيث لا ادري
الحب شرد اسولفلك عليه
وتكلي سولف
دنيا من الوصف والشوك عنوانه
مثل الموت يغفل يسلبك روحك
ماندري عليمن ليش لو جانه
ناره لو شبت ماتنطفي للدوم
تظل برواحنه هلنار سعرانه
يشعل بالهب جوانه ينفح آه
وشما اوصفه مااوصله انه
الحب يابشر امحلل وموهوب
نطق بيه الجليل وكال قرأنه
يوسف يلتعاند لجل العشك حبسوه
وجان العشك سجنه وجان سجانه
واذا زيدك بعد وهم بعد راح اشجيك
عن قصة عرش بلقيس طاف بكلب سلمانه
يلتدري ولا تدري العشك مسحور
لو جانه بسحر آهين لو جانه
ياجنة عذابه تنتظر لوجيت
تفتح باب منهه عليك ولهانه
الحب نعمة الله للخلق منعوت
ايهز الكلب ويزعزع اركانه
لو كتلي يعذب مااكلك لا
نعم هوه يعذب وتكتل احزانه
صحيح الموت هوه واكثر من الموت
ما يرحم ابد لاترحم اشجانه
العمرابد مايسوه مهما يطول
يظل دونه يتمرمر وكلشي بي عانه
الوان الورد هوه ويظل قداح
يذبل دون عطره وما يزهي بستانه
خارج كل زمن هوه ويظل مجهول
ونبقى تحت امره وامر سلطانه
لو جالك غفل ماتسأل ليش ولو
ايذلك يعزك تصغر لشانه
الحب يابشر اجمل وارق مخلوق
ساكت بس نطق بعيونه السانه
مايعتق احد لا ابد لا والله
شو كلهه ابتلت من انسه من جانه
يااجمل قدر شفناه حبيناه
وسميناه قدر واعزفنه الحانه
الحب يلي تسأل سامي وعظيم الشان
عجيب وكل غريب البيه راوانه
مايعرف محال ويتحدى كل ممنوع
ولو تاهت اجدامك صاح منانه
يلفي بلا موعد لا ابد يختار
قضاءه علبشر وكلدمى سوانه
الحب ماعرف عمره سؤال ولا
ليت لا كأن لاعرف كانه
غموضه سر حلاته وماعرفنه شبيه
ومسألناه ابد بأي ذنب يبلانه
* * *
وانته ياحبيبي يلصرت محبوب
راسخ متحرك ساكن الشريان
احبنك صدك والكلب ليك ولا
احد مشترك بالكلب لا يفلان
تدري من غلاتك شكد كتبت ابيات
وشكد انه احبك وكلتلك ولهان
اتمنى اشوفك واحضنك وابليك
لو من شوك ناري هم طفح بركان
ياسيد حياتي يلسكنت الروح
ما اعرف الك بلروح ابد عنوان
كلي املكتني من الجدم للهام
وكلي انه لك وعندي الف برهان
ياعمري وحياتي وخاتمة صبري
اود ابليل صبري غافي وحلمان
اريدك تنتفض بيه عشك واشواك
واريدك تخترعلي من العشك الوان
ياسيد حياتي يلهويتك دوم
انزاحت من عرفتك يلوفي احزان
وشرقت كم شمس ضوت ظلام الليل
وضحكت كل دموعي بجيتك يفلان
وبعد لاظل الم لاظل سهر ويالاه
وبعد ماظل بيه ولاعضو حزنان
حبيتك ياانته واعشكت دنياك
وماضن اعشكك مثلي ابد انسان
وماضن اعشكك مثلي يخل انسان
وتكلي سولف
دنيا من الوصف والشوك عنوانه
مثل الموت يغفل يسلبك روحك
ماندري عليمن ليش لو جانه
ناره لو شبت ماتنطفي للدوم
تظل برواحنه هلنار سعرانه
يشعل بالهب جوانه ينفح آه
وشما اوصفه مااوصله انه
الحب يابشر امحلل وموهوب
نطق بيه الجليل وكال قرأنه
يوسف يلتعاند لجل العشك حبسوه
وجان العشك سجنه وجان سجانه
واذا زيدك بعد وهم بعد راح اشجيك
عن قصة عرش بلقيس طاف بكلب سلمانه
يلتدري ولا تدري العشك مسحور
لو جانه بسحر آهين لو جانه
ياجنة عذابه تنتظر لوجيت
تفتح باب منهه عليك ولهانه
الحب نعمة الله للخلق منعوت
ايهز الكلب ويزعزع اركانه
لو كتلي يعذب مااكلك لا
نعم هوه يعذب وتكتل احزانه
صحيح الموت هوه واكثر من الموت
ما يرحم ابد لاترحم اشجانه
العمرابد مايسوه مهما يطول
يظل دونه يتمرمر وكلشي بي عانه
الوان الورد هوه ويظل قداح
يذبل دون عطره وما يزهي بستانه
خارج كل زمن هوه ويظل مجهول
ونبقى تحت امره وامر سلطانه
لو جالك غفل ماتسأل ليش ولو
ايذلك يعزك تصغر لشانه
الحب يابشر اجمل وارق مخلوق
ساكت بس نطق بعيونه السانه
مايعتق احد لا ابد لا والله
شو كلهه ابتلت من انسه من جانه
يااجمل قدر شفناه حبيناه
وسميناه قدر واعزفنه الحانه
الحب يلي تسأل سامي وعظيم الشان
عجيب وكل غريب البيه راوانه
مايعرف محال ويتحدى كل ممنوع
ولو تاهت اجدامك صاح منانه
يلفي بلا موعد لا ابد يختار
قضاءه علبشر وكلدمى سوانه
الحب ماعرف عمره سؤال ولا
ليت لا كأن لاعرف كانه
غموضه سر حلاته وماعرفنه شبيه
ومسألناه ابد بأي ذنب يبلانه
* * *
وانته ياحبيبي يلصرت محبوب
راسخ متحرك ساكن الشريان
احبنك صدك والكلب ليك ولا
احد مشترك بالكلب لا يفلان
تدري من غلاتك شكد كتبت ابيات
وشكد انه احبك وكلتلك ولهان
اتمنى اشوفك واحضنك وابليك
لو من شوك ناري هم طفح بركان
ياسيد حياتي يلسكنت الروح
ما اعرف الك بلروح ابد عنوان
كلي املكتني من الجدم للهام
وكلي انه لك وعندي الف برهان
ياعمري وحياتي وخاتمة صبري
اود ابليل صبري غافي وحلمان
اريدك تنتفض بيه عشك واشواك
واريدك تخترعلي من العشك الوان
ياسيد حياتي يلهويتك دوم
انزاحت من عرفتك يلوفي احزان
وشرقت كم شمس ضوت ظلام الليل
وضحكت كل دموعي بجيتك يفلان
وبعد لاظل الم لاظل سهر ويالاه
وبعد ماظل بيه ولاعضو حزنان
حبيتك ياانته واعشكت دنياك
وماضن اعشكك مثلي ابد انسان
وماضن اعشكك مثلي يخل انسان
