برهـــــان العمر صدكني ينبض بيك

[قارورة وفه]

وصل حد شوكي يمك كالورد للمـاي
وتدري بية الورد شيصبرة لو عطشــــان
يذبل ينتجي عالوركة صــــــار يميل
وبحسرة الغصن للوركة هم ذبــــــلان
يالحبك نهر وبلوح كلبـــــــي يفيض
ويالعينك شمس وادفي كل بـــــــردان
يا اجمل عشـــــــك دار وسكن بالروح
وانت اول واخير الصرت بالوجـــــدان
ما ظنيت هين حبي هذا ويـــــــــاك
يالكلك نحتك بالصدر الــــــــــــــوان
ما ضنيت ميت كل حنــــــان البيك
ولاظنيت عني تبتعد يفـــــــــــــلان
هاي اشــــلون صارت حلم لـو كابوس
غبت عني ومشيت وما عفت عنــوان
روحـــــي اتعلك ميت ترة بليـــــاك
وتيهت العمر من بعدك اشكد جـــان
مو عيب من اسولف واحجي انة وياك
على وريدي العتب والعشك والشريان
عميت افكاري كلها والسبب ما شوف
بس انت بنظر عيني وصرت حيــران
لا نـــــاس الشفتها ولاشــــفت غيرك
صرت انت النفس والنظر والبرهــان
برهـــــان العمر صدكني ينبض بيك
وانت اول حسابي واخر الانســـــــان
جنت انة احســــــك دوم باقي وياي
وجنت انة الورد وبصدرك البستـــان
ماتلكة اليحبك مثلي لا هيهــــــات
روح انت ابتعد وانت الذي خســـران ​

 

وتبقه آيه اُمّ الخدر ومْكمّله

من أسمع كلامك

[هدير الامواج]

كلمات الرائعة

 

[كراميلا ❥]

مو عيب من اسولف واحجي انة وياك
على وريدي العتب والعشك والشريان
عميت افكاري كلها والسبب ما شوف
بس انت بنظر عيني وصرت حيــران

الله الله

 

[قارورة وفه]