دربك بالحلم طشيته كله اورود

[قارورة وفه]

اصبر بالصبر والصبر جزعان
واهدي دموع عيني النزلت بسرعة
تعال وشوف گلبي شباني من فركاك
اهموم الي بناهن اصبحن قلعة
باب القلعة مغلق بيدك المفتاح
دفتحهه حبيبي وخلي خط رجعة
نخلة ابلا رطب ما تسوه فلسين
وشمعة بلا ضوة ما جنهه شمعة
شنو نفع الجرف لو فاركة الماي
يتفطر حزن لو هاجر ابسرعة
يوسف من هجر يعقوب كت ادموع
وعلى كد العمر يعقوب ظل يدعه
شدعي اعليك ارجعلي يلا بساع
الدمعة بغيابك حشمت دمعة
وگب عندي جرح يتنخه كومة جروح
اجن متلفهات وسمعن الفزعة
دربك بالحلم طشيته كله اورود
ما شميت عطره ابساعة النومة
هيج اني احلمت بالصدفة يجي النوم
عيني من الغفة صدكني محرومة ​

 

[سارة البابلية]

روعات غلاي

 

[هدير الامواج]