لعيونك أنه اشتاگيت
كل نظرة عشگ منها
تجيني اب ثوب و احضنها
او تطش اب عمري چن چكليت..
يا اول ربيع ايمرني بعيوني
او انه الممنون..
ورَّد باربعيني الرازقي او ما عطَّر امتوني
و اكول اتهون..
يا شگلّك ..
وانه گضّيت العِشگ بال بلچن او يا ريت
يا هلبت تگولن جيت
او تطش اب خدّي زخّات الفرح باسمك
يا غيمه او جِزَت و انسيت
يا طعم الوجع بالروح من طشّيت
احچيك اب مرارة فاگد الاوطان
احچيك اب دمع و اتزخّك الالحان
يل ما تعرف او ما ادريت
يا فطر الگلب من ضاگ
يل تضحك تره آني ابچيت
دلّيني اعلى دربك و انه اجيكم عيد
شايلّك گلب بال ايد
دمع چودَر عليّه اب ليل
سِگاني او باگ منّي الحيل
دمع اسود و لا زعليت
جمر احمر و لا انباگيت
و اردّن وانه ما ردّيت
يل احچاياتك العنبر
تفوح اشما گلت حبّيت..
يا ضي الشمس ما ضمّه يوم افياي
يا نجمة صبح هدّت شَعرها اب ماي
يا گطر النده ال ما راح
يا قدّاح..
يل حضنك ترف
خدّ الورد نام اعلى گلبه ارتاح..
يل وجهك سهر..
طش اب نهر..
شال الگمر..
عاف السما وب عينه ضاع او طاح..
حاچيني اب زعل..
يا شگلّك و انته ما زعليت
حاچيني اب غزل..
و آنه الحضن..
تلگاني ، لو غلطه او تگولن جيت..
# بقلمي
كل نظرة عشگ منها
تجيني اب ثوب و احضنها
او تطش اب عمري چن چكليت..
يا اول ربيع ايمرني بعيوني
او انه الممنون..
ورَّد باربعيني الرازقي او ما عطَّر امتوني
و اكول اتهون..
يا شگلّك ..
وانه گضّيت العِشگ بال بلچن او يا ريت
يا هلبت تگولن جيت
او تطش اب خدّي زخّات الفرح باسمك
يا غيمه او جِزَت و انسيت
يا طعم الوجع بالروح من طشّيت
احچيك اب مرارة فاگد الاوطان
احچيك اب دمع و اتزخّك الالحان
يل ما تعرف او ما ادريت
يا فطر الگلب من ضاگ
يل تضحك تره آني ابچيت
دلّيني اعلى دربك و انه اجيكم عيد
شايلّك گلب بال ايد
دمع چودَر عليّه اب ليل
سِگاني او باگ منّي الحيل
دمع اسود و لا زعليت
جمر احمر و لا انباگيت
و اردّن وانه ما ردّيت
يل احچاياتك العنبر
تفوح اشما گلت حبّيت..
يا ضي الشمس ما ضمّه يوم افياي
يا نجمة صبح هدّت شَعرها اب ماي
يا گطر النده ال ما راح
يا قدّاح..
يل حضنك ترف
خدّ الورد نام اعلى گلبه ارتاح..
يل وجهك سهر..
طش اب نهر..
شال الگمر..
عاف السما وب عينه ضاع او طاح..
حاچيني اب زعل..
يا شگلّك و انته ما زعليت
حاچيني اب غزل..
و آنه الحضن..
تلگاني ، لو غلطه او تگولن جيت..
# بقلمي
