قارورة وفه
جنني هواك من حيث لا ادري
كله منج انتي خليتيني احبج واحصد
من الحب عذاب
وانتي الكصيتي جنحي بلارحمه
وطرتي بلضباب
وانتي وحدج عذبيتيني بغرامج
وتدرين الغرام بلاباب
هاج حصدي الزرعته وشوفي زرعج
المجاب
هاج ضوكي الضكته اني وكفي لومج
كافي ماريد العتاب
العتب لوينفع جنت اني الاعاتب
العتب ماينفع ولايغير المصاب
ولندم ولو كلمات الوسافه كله نار
اتزيد النار الاحنه بيه وماتنطفي بتراب
اني من اوله كتلج مو انتي اليه
ومو اني الج واحنه بسراب
واني ردت اقصر وياج قصتي من يوم
الحجيتي وكلتي احبك ياوهاب
كلتيلي احبك كتلج الحب نعمه بس
اخاف اضل ابعيد وحدي
كلتيلي اريدك كتلج ترديني الج
لاكن يابعد الروح ماكو شي بيدي
كلتيلي ولحل كتلج الحل انتي
حبيتي واني ذبيتيني على دردي
ومارضيتي وهذا تالي الحب يابيتي
وهذا تالي الحب يمن ردتي التحدي
شوفي وين اصبح هوانه وشوفي وين
اصبحتي انتي
لاتكولين القسمه جارت ولاتقنعيني
بعذر مايسوه خمس افلوس عندي
خلي اعذارج تفيدج نسي روحج بيه
احسن وانسي صوتي الغنه باسمج ونسي مري ونسي شهدي
انسي عهدج انسي كانما ماعاهديتي
وعينج على النسيان من حباج بعدي
خلي يلومج جيف حبيتيني يوم وصيري
انتي وياه ضدي
وخل يضربج فوك اخدود البستهن حته
يمسح اثر وجدي
انسعد ليش يلي كلتي ماضوك
السعاده بدون ربيعك
اعيش ليش يلي كلتي ماعاش اليبيعك
واني تاليته انبعت ومسيت بس
اجروحي تبدي روحي مبريه الف ذمه روحي يل شتتي حصدي
لكن اطلب منج طلبه واحده لو موكب
زفافج من يمي تعده اني اترجاج بعينج الي تصدي
طلبت منج تصديلي بزفافج مو قصدي
استجدي نضر
اني اريد اقره بعيون الورد الضاع
من عندج عطر
اني ردت اقره شنو ردت فعلج
يكولون الحب وفه وخلاص ونزاهه انتي جذابه على البشر ذبه الدهر
انتي غيمه سوده ماتسوين كلشي
بلامطر
انتي صبغه كاع لويسكوج سبع ابذور
ماتنبت ثمر
انتي طعنه سيف بكلبي الخطيه ويا
حسافه الطعنه اشكد بقت اثر
وسامحيني اخاف كلماتي اجرحنج
واني اسف حيل اسف واعتذر
وحسبيني امخبل ومسودن واهذي
وانتي تدرين المخبل من عذر
انتي تدرين شنو صرتي انتي بنسبه
الي انتي صرتي ورد جوري ماتسوين شي بلاعطر
انتي صرتي اوتار عودي الاعزف بيه
لحن قصتي وضاع من عدهن وتر
