ارفع لافته واقراهه كلش زين

[قارورة وفه]

اغرگ بالدمع باليل من اشتاگ
وجفوف الهوى تخنگلي عبراتي
وطيوفك تهد بالنوم جنهه سيوف
عميه تريد حدهه بمبرد آهاتي
اذبح ذكرياتي الباقيات وياك
وبدفتر حزن شيع عباراتي
دفان لعشگنه صاير النسيان
بمقبرة الخيانه ادفنهه حسراتي
اتعثر بروحي ومو سهل ممشاي
واحس الروح تركض وي خطواتي
خطوه بأثر خطوه و الطريق يطول
يمته اوصل الك واخذ بثاراتي
انادي بصوت جرحك وارد افزعه وياي
عليك وانتفض وتثور ثوراتي
وشعارات العشگ كلها تندد بيك
ويستنكر غرورك فيض دمعاتي
ارفع لافته واقراهه كلش زين
كاتبهه بنزف و ابدم عذاباتي
لاتگلي احبك گلي اريد انساك
خاطر اقتنع وتفض معاناتي ​

 

[سارة البابلية]

روعه
😍😍

 

[قارورة وفه]