ما مرتاح ؟... لو مرتاح..؟
لو غصّة محنّه ابلا ظَهر ينلاح..
لو گلبك محطّه او لفها لون الليل
مَر بيها القطار او دَگ ونينه او راح..
لو ضلعك بحر كل لحظة روجه اتلوح
توگع ع الجرُف بَيرَگ حزن مِن طاح
لو گاع اب جزيره اتناطر المزنات
لا مزنه او اجت لا عاشَرَت فلّاح..
لو شِجره او گُمر و الصفنه طَولَت حيل
من جاهم فجر مات اشطِلَع قدّاح..
لو باب او عِتَگ ظَل بس خِشَب موجوع
حاضِن بالقفل ما يعرف المفتاح..
ما مرتاح ؟.. لو مرتاح...؟
لو عِشرة هجِر چن عِشرة الاشباح...؟
# بقلمي
لو غصّة محنّه ابلا ظَهر ينلاح..
لو گلبك محطّه او لفها لون الليل
مَر بيها القطار او دَگ ونينه او راح..
لو ضلعك بحر كل لحظة روجه اتلوح
توگع ع الجرُف بَيرَگ حزن مِن طاح
لو گاع اب جزيره اتناطر المزنات
لا مزنه او اجت لا عاشَرَت فلّاح..
لو شِجره او گُمر و الصفنه طَولَت حيل
من جاهم فجر مات اشطِلَع قدّاح..
لو باب او عِتَگ ظَل بس خِشَب موجوع
حاضِن بالقفل ما يعرف المفتاح..
ما مرتاح ؟.. لو مرتاح...؟
لو عِشرة هجِر چن عِشرة الاشباح...؟
# بقلمي
