تصاوير او حزن و تراب
زنجار اعلى يدّة باب
دمعة من الگزاز تطيح
ما تنشاف
بس لوركْزت عيونك
تشوف الاثر من سنين لاچن جاف..
و بدون اسباب
تدمع عينك او تنشاف
بريد يودّي چم مكتوب
و بريد يبچّي لمّن جاب..
و بعينك تشوف الناس
بس وجوه..
تاكلها بخشونه شفاف
چن أغراب.. يتلاگون
لاچن ابد موش اغراب..
و بجنح الحمامة تشوف
ديره چفوف
تفتر السما بلا وين
چنها امغمّضات العين
لا تسأل.. بدون اسباب..
و بروحك طفل ملچوم
يشكّك بالصور و هدوم
يمد رجله على گد لحاف
گلبه صغِير بس شفّاف
يدك برَزّه مالت باب
بابك خشب يا مكرود
بُگت بي بس اثر لزنود
او ريحة عنبر المشخاب..
تصاوير او حزن و تراب
و زلوف او نهد محراب
و شفايف تريد ادگول
ضُمني بنص غلاف كتاب
حطني لعمرك اللي جاي
صورة عاشگ او تذكار
اصيرن عشِگ لاجن نار
و افوحن بالصدر عطّاب..
و اظفر لك كصيبة خوف
زهديه او تحبّ الشاب
و اعصر لك خدودي ظنون
احبّك خايب او مجنون
بس للوكت موش اصحاب
و امطّر عيني كلها دموع
تضوي جن تكول شموع
يا اغلط وكت من جيت
لو بالامس من مرّيت
جنت اكدر اكولن حاب..
بهاون گلبي دُكّن حيل
مِدني او خل يدوس الريل
بعدك كل شي صار تراب
تصاوير او حزن ما غاب..
# بقلمي
زنجار اعلى يدّة باب
دمعة من الگزاز تطيح
ما تنشاف
بس لوركْزت عيونك
تشوف الاثر من سنين لاچن جاف..
و بدون اسباب
تدمع عينك او تنشاف
بريد يودّي چم مكتوب
و بريد يبچّي لمّن جاب..
و بعينك تشوف الناس
بس وجوه..
تاكلها بخشونه شفاف
چن أغراب.. يتلاگون
لاچن ابد موش اغراب..
و بجنح الحمامة تشوف
ديره چفوف
تفتر السما بلا وين
چنها امغمّضات العين
لا تسأل.. بدون اسباب..
و بروحك طفل ملچوم
يشكّك بالصور و هدوم
يمد رجله على گد لحاف
گلبه صغِير بس شفّاف
يدك برَزّه مالت باب
بابك خشب يا مكرود
بُگت بي بس اثر لزنود
او ريحة عنبر المشخاب..
تصاوير او حزن و تراب
و زلوف او نهد محراب
و شفايف تريد ادگول
ضُمني بنص غلاف كتاب
حطني لعمرك اللي جاي
صورة عاشگ او تذكار
اصيرن عشِگ لاجن نار
و افوحن بالصدر عطّاب..
و اظفر لك كصيبة خوف
زهديه او تحبّ الشاب
و اعصر لك خدودي ظنون
احبّك خايب او مجنون
بس للوكت موش اصحاب
و امطّر عيني كلها دموع
تضوي جن تكول شموع
يا اغلط وكت من جيت
لو بالامس من مرّيت
جنت اكدر اكولن حاب..
بهاون گلبي دُكّن حيل
مِدني او خل يدوس الريل
بعدك كل شي صار تراب
تصاوير او حزن ما غاب..
# بقلمي
