أحمد المرشدي : كَنطرة واهس
ريّض ياتوالي الشوگ .. .. باب جفاك مامفتوح
بعدني اتلاوح ويه الغيض .. واللذه عله شفتي تموت
ضوگني الوداد وروح …
بعد بعيوني امل .. وابيتي جوري وياس
خم روحك عسى تصدف بدربك روح
اهج من دكرياتك وين ؟؟
كل شارع الك بي صوت
زحمه العشره تگضي بزعل
كون بموت !!!!!
حملّي سفينه عتاب .. مثل الجرف تلگاني
وكح بس لو تريد تعيل .. ازف السكته للساني
فضي خلگي ورفيجي الليل ..
مر تلگاني اناطر والگمر شاهد
لو مو صيف .. من نتغازل الشباچ .. يلگطنه الهوه البارد
واخذ حگك .. وحگي يطيح .. الك ماريد جية ناس
تلگاني غصن ذبلان … يتنطر البوسة فاس !!
ماضايع بوجهك ياثمر دنياي .. يلعازتك عازة ماي
يموتي وعيشتي .. وحارمني هاي وهاي
وحگ رجفتنه بأول يوم ..
من شربكنه خيط اعجاب
من اتبده طولك ويه شوفي وذاب
تدري بلهفتي بس ماتريد تكول ..
الحلوه البيك مو جذاب
بين ودك بوجهك
وروحك صاحت احنه احباب
لو بأول الطيش تهون … عذرنه براي مختلفين
بس هسه اشنگل للناس ؟؟
واحنه ثنينه مشيبين !!
فشله ! وعيب !!
يلمغمض چنت لوجيت ..
حافظ سچتي اعله الغيب
يلبجفاك .. يلتم الحزن فيض ويهد مختاظ
عمر مو چم وكت ويزول
ومامش گنطرة واهس تعبرني الهذاك الصوب
يبقه يزود عرض وطول !!!
لا يهواي … صعبه اعليه ارد اتعثر بممشاي
صعبه اعليـه اون وانه الكسرت الناي
ادفــه بياحـضن
لو حـضنك اتعذر ؟
واشـــتم جيد من ؟
وزلــوف من ؟؟ واخدر
وابوس خدود من ؟
وشفاف من ؟ واسكر
غير اطباعي كلهه لو نويت وداع !!
عودني اشرب بكاس الأشواگ فراگ
وعودني امسح دموعي اخاف اشتاگ
واحرگ كل …
رسايلنه
وصورنه
وكل حرف گلناه
حته القصه ماتنباگ !!!!!
ريّض ياتوالي الشوگ .. .. باب جفاك مامفتوح
بعدني اتلاوح ويه الغيض .. واللذه عله شفتي تموت
ضوگني الوداد وروح …
بعد بعيوني امل .. وابيتي جوري وياس
خم روحك عسى تصدف بدربك روح
اهج من دكرياتك وين ؟؟
كل شارع الك بي صوت
زحمه العشره تگضي بزعل
كون بموت !!!!!
حملّي سفينه عتاب .. مثل الجرف تلگاني
وكح بس لو تريد تعيل .. ازف السكته للساني
فضي خلگي ورفيجي الليل ..
مر تلگاني اناطر والگمر شاهد
لو مو صيف .. من نتغازل الشباچ .. يلگطنه الهوه البارد
واخذ حگك .. وحگي يطيح .. الك ماريد جية ناس
تلگاني غصن ذبلان … يتنطر البوسة فاس !!
ماضايع بوجهك ياثمر دنياي .. يلعازتك عازة ماي
يموتي وعيشتي .. وحارمني هاي وهاي
وحگ رجفتنه بأول يوم ..
من شربكنه خيط اعجاب
من اتبده طولك ويه شوفي وذاب
تدري بلهفتي بس ماتريد تكول ..
الحلوه البيك مو جذاب
بين ودك بوجهك
وروحك صاحت احنه احباب
لو بأول الطيش تهون … عذرنه براي مختلفين
بس هسه اشنگل للناس ؟؟
واحنه ثنينه مشيبين !!
فشله ! وعيب !!
يلمغمض چنت لوجيت ..
حافظ سچتي اعله الغيب
يلبجفاك .. يلتم الحزن فيض ويهد مختاظ
عمر مو چم وكت ويزول
ومامش گنطرة واهس تعبرني الهذاك الصوب
يبقه يزود عرض وطول !!!
لا يهواي … صعبه اعليه ارد اتعثر بممشاي
صعبه اعليـه اون وانه الكسرت الناي
ادفــه بياحـضن
لو حـضنك اتعذر ؟
واشـــتم جيد من ؟
وزلــوف من ؟؟ واخدر
وابوس خدود من ؟
وشفاف من ؟ واسكر
غير اطباعي كلهه لو نويت وداع !!
عودني اشرب بكاس الأشواگ فراگ
وعودني امسح دموعي اخاف اشتاگ
واحرگ كل …
رسايلنه
وصورنه
وكل حرف گلناه
حته القصه ماتنباگ !!!!!
