تدري يتمت البلابل

[قارورة وفه]

بعد ميفيد اعتذارك بعد ارجع مستحيل
جنت بالنسبه الك لعبه وطعنتك اكبر دليل
بعد ميفيد اعتذارك والف شكرا عالدرس
العبت دورك صحيح وصدكت حجيك امس
كلشي غلفته براءه وتظحيه وطيبه نفس
مو طلع وجه الشمس وانكشف زيفك فضح غدرك ياشرس
بعد شيفيد اعتذارك وذبحت بعيوني ورده
اشهور تنزف عالمخده
او بالكلب طوفان حسره اشون وبيش اصده
وك بيه جرح وسع البحر وشلون اشده
النار بيه تسعر ربي شيطفي ناري
وتدري كل الناس لامتني بقراري
جنت اتحمل ملامه وسوء ضن وبيك اداري
اخ ياسوء اختياري ويلي من سوء اختياري
ويلي شيلم الذكريات والنه ذكرى بكل مكان
النه بالمنصور ذكرى وبشارع السعدون ذكرى
ويلي شيرجع الزمان
ومن يمر الخوف بغداد الحبيبه وياك اشعر بالامان
صعبه اشوف احلامي ربي تذبل وكبل الاوان
شفتك بعيني وشفت جفك على جفهه ينام
واظح من عيونهه وشفافهه ايفيض الغرام
مو حرام على نفس الطاوله اتخون المحبه مو حرام
تدري يتمت البلابل تدري يتمت الحمام
ايكلي اعذريني وياك ميفيد الكلام​

 

[هدير الامواج]

يسلموووو على الطرح الرائع

 

[أمجد]

شكرا شاعرنا