قارورة وفه
جنني هواك من حيث لا ادري
يبو چف الگصير أترك العنگود
وعلى گد الغطه رجليك مددهن
ولتباوع لفوگ وأنته تحت العين
واچفوف اللونك دنگ وحبهن
ولا تصبح حجر يل ثوبك امنجام
وحبال التشيلك أنصحك شدهن
ولا تعبر نهر يل ما تعرف تفوج
أبقه اعله الجرف وانفاسك احفظهن
ولا تسحگ جمر يل من ثلج رجليك
لأن نار الجمر صدگني تصهرهن
وعوف الخيل تمشي وعنهه روح بعيد
لأن بس التگف صدگني يركبهن
على طولك اگبالي صح وگفت هواي
لچن شوف الرجيف اجدامك يگضهن
نعم بيدك السيف وأنه خالي سلاح
لچن چلماتي سيف وفنك اتصدهن
الشجر بل أرض باقي والطيور اطير
لچن وكت المنام اغصانه لتلمهن
تاج انه اعله راسك وانته تعرف ليش
لأن انه بكرامه احشائي تارسهن
ما مديت أديه وانته تعرف زين
أنه بس لسلام چفوفي اقدمهن
ماي عيوني ناشف ما أظم اعليك
لچن ماي الوجه ما يوم فارگهن
بس عيون أملك بيهه اشوف الناس
وباقي اجزاء جسمي العوز تعبهن
وامس معتاز اجاني وأنه غارگ عوز
ما رديته گتله عيوني شلعهن
أنه الشابع بزغري وبالكبر جوعان
أذن مني الاشياء الراد يطلبهن
وعلى گد الغطه رجليك مددهن
ولتباوع لفوگ وأنته تحت العين
واچفوف اللونك دنگ وحبهن
ولا تصبح حجر يل ثوبك امنجام
وحبال التشيلك أنصحك شدهن
ولا تعبر نهر يل ما تعرف تفوج
أبقه اعله الجرف وانفاسك احفظهن
ولا تسحگ جمر يل من ثلج رجليك
لأن نار الجمر صدگني تصهرهن
وعوف الخيل تمشي وعنهه روح بعيد
لأن بس التگف صدگني يركبهن
على طولك اگبالي صح وگفت هواي
لچن شوف الرجيف اجدامك يگضهن
نعم بيدك السيف وأنه خالي سلاح
لچن چلماتي سيف وفنك اتصدهن
الشجر بل أرض باقي والطيور اطير
لچن وكت المنام اغصانه لتلمهن
تاج انه اعله راسك وانته تعرف ليش
لأن انه بكرامه احشائي تارسهن
ما مديت أديه وانته تعرف زين
أنه بس لسلام چفوفي اقدمهن
ماي عيوني ناشف ما أظم اعليك
لچن ماي الوجه ما يوم فارگهن
بس عيون أملك بيهه اشوف الناس
وباقي اجزاء جسمي العوز تعبهن
وامس معتاز اجاني وأنه غارگ عوز
ما رديته گتله عيوني شلعهن
أنه الشابع بزغري وبالكبر جوعان
أذن مني الاشياء الراد يطلبهن
