صور شعرية من هنا وهناك . شعبي

[قارورة وفه]

لا تحزن بعد لا تبچي على الراح
عوف ادموع عينك لا تبديها
اوگف على الجرح لا تصرخ وياه
راح اكتب قصيدة والك اهديهَ
مدينة الم روحي لا تظــن ترتاح
وانه ابن المدينة وتيهة بيه
يل عندك جرح وتگلي مجروح
انه جروحي فاضت وين اودّيه​

 

[قارورة وفه]

فـاهي اللـيل يمـهم حتـى مابي لـون
ولا بـي طيـف يرهـم عالجـفن رسـمه
ما صـخ مسـتحاهم وآني مالـح طيــب
اليتبده وي غيــري بـروحـي مالمـه
بيها آعــناد روحــي وي الهـوى من يفوت
اذا يثـكل علـيّ لو مــوت مــا شمه​

 

[قارورة وفه]

اليذكروني عفتهم لجل شوكي وياك
واني اتذكّرك وانت الي ناسيني
بايعني برخص واني بغلاة أشريك
مو انت الگلت بالروح تشريني
روح وداعت الله بس أگلّـك ها
الي رب كريم الصبر ينطيني​

 

[قارورة وفه]

هاك أخذ جرحك بعد ما أشتهيك
وكلمة انه اهواك تحچيها
وبس أوخر عنك اسنينك تطيح
اسنين عمرك .. عمري لمتجيها
ابگـاع خدينك أنه العاكس ضواي
آبمعنى آخر ........ انه لمحليها
ذكرياتك صارن ... الطف ويزيد
حيل اكرهك من يمر طاريها​

 

[قارورة وفه]

أقبل رجعتك بس عندي كومه شروط
أولهن تردلي سنين محسوبه
وثانيهن شبابي الهدر بين أوراق
وسهر ذيـچ الليالي المالهن حوبه
وثالثهن دموعي الصبّن بفرگـاك
على كل دمعه أفصلك فصل منهوبه
ورابعهن تروح تسكّت الشّمات
وتگلّهم حيل أحبّه وأبقه محبوبه​

 

[أمجد]

شكرا جزيلا

 

[Gardi]

عشت