واظل عطشان مني واني ارويك

[قارورة وفه]

ما يحتاج
ما يحتاج اعرفك انت تعرف زين
تعرف كلشي بية واعرف شبيك
وما يحتاج اكلك اني احبك ليش
تدريني وي روحي اني اغار عليك
صرت انت السفينة واني سفان
... وغيري اعلى الجرف ياهو اليرسيك
غيرك ما اريد ولا احبن غيـــــــر
وغيري اعلى الحزن ياهو اليواسيك
احبك خاف اكلك وتكلي جــــذاب
واقصر خاف اكلك ما اوفيــــــك
سولفلي اعلى حالي واسال ارجوك
وسولفلي علية شبيك ما بيـــــك
هم كلبك يحن من نفترك لحضات
وغم ذال الكلب لو ما يحن عليك
شعلت روحي شمع وبظلمة تالي الليل
واطفي شموعي كلهة وبس اضويك
خليتك دمع وبساعة الضيـــــج
ابجي دموعي كلها وما ابجيــــك
اعطش من اشوفك وابتسم حيل
واظل عطشان مني واني ارويك
ما ارضة بزعل وما ازعل وياك
وازعل الدنيا كلها وبس اراضيك ​

 

[أمجد]

عشت شاعرنا