شفتك شوف عيني وسولفولي عليك
صدكت الحجاية وجذبت عيني
اجذب العين جي غرها السراب البيك
وهمان وتبعتك كلت ترويني
روحي مخبله وجرها الوهم لهواك
طاحن وبسببها ضاعن سنيني
مابين الشماته وعاذل وعدوان
احامي اعل الموده البينك وبيني
شلت عنك عمر مليان اذيه وضيم
وانته بكل قباحه تروح تاذيني
اغفرلك الزله وخاطري مكسور
صادكت الكرهني وانكرت ديني
انطيتك عمر من كلت عمري انباك
شمعنه بتالي عمري ما ترد ديني
الوذ عليك مثل الفاجد اله وحيد
وانت تدير وجهك من تلاكيني
اضحك لك بروحي من الجدم للراس
انت العيد عندك من تبجيني
بعت عمري وجبتلك جنة الفردوس
ونجوم الظهر صاير تراويني
ردتك يمنتي حين اليصح مكروه
ازامط بيك وانت تريد تلويني
ياسكين ذخري البيك اجيد اعداي
تالي من الظهر تطعني سكيني
ياشتله وسكيتك من بياض العين
اساجيك العسل وسموم تسكيني
شتعذر لكلبي البيه غفيت سنين
ولاتقبل عذر صارت شراييني
وازنتك بروحي من علي ساموك
كل ضني بغلات الغالي تشريني
على ذاك الخسرته وراح طبره بماي
كل ما ذكره تتهيج جوانيني
تهت بسوالفك والغشني حجيك ذاك
بنعيمك جنت افوج من تحاجيني
روض ايامي جان يونس التعبان
ولك تكطع مايها وتكتل بساتيني
امنتك اسراري وكل خفايا الروح
ليش بكل حلك شامت مخليني
حافظلك ودادك من صرت لليوم
زلال وصافي نيه وياك تدريني
سمح طبعي مثل طولي عدل وياك
دخليني اعل طولي ليش تطويني
بين دغش طبعك اخر المشوار
عل الحبلين تلعب من تماشيني
يبياع السراب العطش بين بيك
اجيتك ماي وجفوفك تبديني
ابخ جمرة عذابك من جفن مهضوم
شحت سلوتي والصبر ناسيني
اجيت بيا عذر وبيا صلافة عين
كلي بيا وسيله وبيش ترضيني
خلها مدثره ولاتفضح المظموم
وعلى اسرار الموده لاتوازيني
كلت لك هذا حالي من بديت وياي
وقريت وضحت لك كل قوانيني
ميت حاسبك وانت بحياتك هاي
ولاريد اليجي عنك يعزيني
هذا فراكنه وكلمن بدربه يروح
لامن دينك انه ولانته من ديني
(( الشاعر سريح الزريجاوي
صدكت الحجاية وجذبت عيني
اجذب العين جي غرها السراب البيك
وهمان وتبعتك كلت ترويني
روحي مخبله وجرها الوهم لهواك
طاحن وبسببها ضاعن سنيني
مابين الشماته وعاذل وعدوان
احامي اعل الموده البينك وبيني
شلت عنك عمر مليان اذيه وضيم
وانته بكل قباحه تروح تاذيني
اغفرلك الزله وخاطري مكسور
صادكت الكرهني وانكرت ديني
انطيتك عمر من كلت عمري انباك
شمعنه بتالي عمري ما ترد ديني
الوذ عليك مثل الفاجد اله وحيد
وانت تدير وجهك من تلاكيني
اضحك لك بروحي من الجدم للراس
انت العيد عندك من تبجيني
بعت عمري وجبتلك جنة الفردوس
ونجوم الظهر صاير تراويني
ردتك يمنتي حين اليصح مكروه
ازامط بيك وانت تريد تلويني
ياسكين ذخري البيك اجيد اعداي
تالي من الظهر تطعني سكيني
ياشتله وسكيتك من بياض العين
اساجيك العسل وسموم تسكيني
شتعذر لكلبي البيه غفيت سنين
ولاتقبل عذر صارت شراييني
وازنتك بروحي من علي ساموك
كل ضني بغلات الغالي تشريني
على ذاك الخسرته وراح طبره بماي
كل ما ذكره تتهيج جوانيني
تهت بسوالفك والغشني حجيك ذاك
بنعيمك جنت افوج من تحاجيني
روض ايامي جان يونس التعبان
ولك تكطع مايها وتكتل بساتيني
امنتك اسراري وكل خفايا الروح
ليش بكل حلك شامت مخليني
حافظلك ودادك من صرت لليوم
زلال وصافي نيه وياك تدريني
سمح طبعي مثل طولي عدل وياك
دخليني اعل طولي ليش تطويني
بين دغش طبعك اخر المشوار
عل الحبلين تلعب من تماشيني
يبياع السراب العطش بين بيك
اجيتك ماي وجفوفك تبديني
ابخ جمرة عذابك من جفن مهضوم
شحت سلوتي والصبر ناسيني
اجيت بيا عذر وبيا صلافة عين
كلي بيا وسيله وبيش ترضيني
خلها مدثره ولاتفضح المظموم
وعلى اسرار الموده لاتوازيني
كلت لك هذا حالي من بديت وياي
وقريت وضحت لك كل قوانيني
ميت حاسبك وانت بحياتك هاي
ولاريد اليجي عنك يعزيني
هذا فراكنه وكلمن بدربه يروح
لامن دينك انه ولانته من ديني
(( الشاعر سريح الزريجاوي
جميل جداً
