ميفيدك ندم متفيدك الأعذار

الإهداءات
  • غزل من من قلب الغزل ..:
    ضياءٌ شعَّ من أرض المدينة و زُفَّت البشرى لرسول الله (ص) بولادة سبطه الأول الإمام المجتبى (ع).✨💚
  • غزل من قلب الغزل:
    "يارب دائمًا اعطنّي على قد نيتي وسخر لي الأشخاص اللي يشبهون قلبي🌿✨. .
  • غزل من قلب الغزل:
    مارس الرحمة قدر المُستطاع فكلما تلطفت مع خلق الله زاد الله لطفهُ حولك.💐
  • غزل من قلب الغزل:
    اللهم إنك عفوٌ كريمٌ تحب العفو فاعفو عنا ♥️😌
أشوفك مستعد لابس أحزام الموت
وجاي بليل اظلم لابس ألثام
جبان أنت أعرفك وعرف ألبيك
وعرف كل نوايا ألعندك أجرام
اكشف لي لثامك وصل حدهه وياك
يرهابي الأصل يربات الآثام
ذب ألثام وجهك ونتب هلي زين
وسمع شرد أگلك يبن الأقزام
أحذرك ولك داعش لاتدك الباب
خط احمر ترابي وبابي جلهام
دگلي شورطك ياعار وتعنيت
شايل غيض گلبك ضد الإسلام
موكسرت عظم صارت تراهي وياك
ثارات وعليهه العين متنام
بتفجير الجوامع والمراقد صار
أجرامك رسمته بوجه الأيام
بتهجير العوائل والذبح ياحيف
هتك أعراض حره وسبي الأيتام
بتيزاب أرد أذبك ومحي كل ماضيك
والحاضر البيك اصدر له إعدام
راح أوصف جنابك وصف لاميليق
بالدوده الخناها يسوي جردام
لحيتك مستعاره وشاربك بي عار
وثيابك گصيره بأمر الأقلام
وهل الأقلام مأجوره وتقشمر بيك
من شيشان وأجلاف العرب الأزلام
شيشان الخسيسه ودولة إسرائيل
وامريكه وچلبهه النغل هدام
هذا انه يداعش شلت بيدي سلاح
ومتقدم عليك وساحب أقسام
عاهدت الوطن والمرجعيه اليوم
وبثوب الشهاده محزم أحزام
أحرر نينوى واعبر الذاك الصوب
أهوس هوستي والرايه عالهام
انه ابن اعگال أبويه وثورة العشرين
ومگواره وتفگته الضلت أوسام
انه ابن الجابته الحره ورضع غيره
انه التشهدلي سوح الحرب أعوام
عراقي والعزم عندي يشك الگاع
لان عزمي عزم حيدر الضرغام
أميري الشال فقاره وچتل جدك
هذاك الچان دايح يعبد أصنام
ميفيدك ندم متفيدك الأعذار
ولبالك تفكر ترد لشام

****
بقلمي​
 

أقسام الرافدين

عودة
أعلى أسفل