عريان آل سيد خلف وادعيني
وادعــيني اوداع المحـــبين مـــــا ضايج حــلاته
انه مثل الطير لـــــو طاحـــن طوارف ســـــبكاته
لو مثل ضامي بظهاري الصيف من تنشف لهاته
عايش بنارين اهــن نار الجـــفه ونـــار الشماته
انتي تدرين الوكــــت يردف علي بمكســــراته
حــطني دوارة كَطب للظيم و افـــترت رحـــاته
لا نهاري يريحــــني ولا ليلي مثل الـناس اباته
وادعيني وداع مضنوكـَ النفس ودموع عينه امونساته
وادعيني وداع الامايه الولدها ابين اديها اموزراته
لاتبرد شوگها ولاتگدر تهده لغلاته
وذاك كلبي الطيب ذاته
وآنه ذاك آنه اليعيش بطيف لو طول بعاده
يل بسمتج فرحتي
او رقة جفن عينچ سعاده
ويا نظر ..لنواظري اوياهن وكتهن لو تراده
يل تبوگ عيونچ من الليل كل لذة سواده
يل حنيني لشوفتچ حن السكن غربه لبلاده
يل تكولين الونين ايچيد
ون الروح عاده
هذا جانون الكلب يسري اللهب حتى برماده
وادعيني ابسّمتج ..اهوه الوداع
البي جلاده
وادعــيني اوداع المحـــبين مـــــا ضايج حــلاته
انه مثل الطير لـــــو طاحـــن طوارف ســـــبكاته
لو مثل ضامي بظهاري الصيف من تنشف لهاته
عايش بنارين اهــن نار الجـــفه ونـــار الشماته
انتي تدرين الوكــــت يردف علي بمكســــراته
حــطني دوارة كَطب للظيم و افـــترت رحـــاته
لا نهاري يريحــــني ولا ليلي مثل الـناس اباته
وادعيني وداع مضنوكـَ النفس ودموع عينه امونساته
وادعيني وداع الامايه الولدها ابين اديها اموزراته
لاتبرد شوگها ولاتگدر تهده لغلاته
وذاك كلبي الطيب ذاته
وآنه ذاك آنه اليعيش بطيف لو طول بعاده
يل بسمتج فرحتي
او رقة جفن عينچ سعاده
ويا نظر ..لنواظري اوياهن وكتهن لو تراده
يل تبوگ عيونچ من الليل كل لذة سواده
يل حنيني لشوفتچ حن السكن غربه لبلاده
يل تكولين الونين ايچيد
ون الروح عاده
هذا جانون الكلب يسري اللهب حتى برماده
وادعيني ابسّمتج ..اهوه الوداع
البي جلاده