علي الشباني الشمس و البيت

[Gardi]

علي الشباني الشمس و البيت




الشمس ودتني فيّ البيتكم ودتني فيّ


رحت بعيون الضهر داوي حزن و تراب ..


وبروحي يفيض الـميّ..


فيض يا روحي تعب وتراب ..


واتعنه المشه بعمري سهر..


واندك وي الباب ..


يمكن بالعمر ينفتح مره البــاب ..


واعلگلك شمس عالـباب...


واتعناك ..ادگ روحي على العتبه نذر..


ومخضر اتمناك...


اصيرن فيّ للمخضــر اصيــرن فيّ


واشبگه انه خضار و ميّ ..


اسيلن غــاد..افيّض كل سواجيك ..اسيلن غاد


ألملم كل عطش روحي واشتله ابابكم سدره ..


جبيره ..وبالعطش ثوب السواجي ازغـــار..


حزينه..وبالربيع اتخضر الها اعشـــوش ..


يالعمرك فرح مرشوش..


يالحزنك خبز يبجي الصبح عالــناس..


يالعشگك درب مسكون ..


ونْ من الزغر بـ الراس ..


واقرالك دفاتر ضيـم ..


ويضل بس حرف بـ الراس ما ينگال ..


يالعشگك هِني و ﭼــتال ..


اضوگ الروح من تــجزي ..


يلفني الدرب واتدوهن ..


واگول اشماله گلبي الما يشوفك حن..


والك گلبي حمامه هناك ..


من تمشي يطگ جنحه و يطير هناك..


يالمامش بعد سجه گضيت وياك ..


بس هوَ العمر ما ينگضي بلياك ..


لا هوَ الشمس وتغيب ..


اول ما يشوف العين وبروحي يفرفح ضيّ..


يمر بيه الگمــر و الميّ..


واجيب الشمس و اوگفلك يـ الاسمر فيّ

 

گ

الماهمة اهتمامي .. تصميمي لمسابقة موسيقى في فديو ^_^:-)

ح

ومضات الشاعر أثير التميمي

[ام بــﯧْــڵــڛــان]

تسلمين حبي قصيدة

حبي غير لون الخط مع تكبير النص راح صير بينة عمى الوان سبب لون افتراضي خلية مديرنا صايرين حقل تجارب لة :bandit-80-anim-g:​

 

[Gardi]

تسلمين حبي قصيدة

حبي غير لون الخط مع تكبير النص راح صير بينة عمى الوان سبب لون افتراضي خلية مديرنا صايرين حقل تجارب لة :bandit-80-anim-g:​

ههههه هسة اكلةً بلكت. يغير اللون للأسود

 

[ام بــﯧْــڵــڛــان]

ههههه هسة اكلةً بلكت. يغير اللون للأسود

اي ولله حبيبتي حتى اسوي لج صحن
دولمة بس لج ومن اخلص اكلة عنج هههه

 

[سليم البصري]

​

 

[كراميلا ❥]

حلو غلا
سلمت يمينك

 

[hassan khamas]

حلووو