من تبدي الذمم تنباع

[Gardi]

حسن وصفي








من تبدي الذمم تنباع


اهنا لازم الثوره تعيش...!


موش احنه العبدنه الگاع ..


حسافه اعله الزلم تنهان والثوره رماد بطيش...





باچر يعتلي التاريخ ...


اعله كلمن ما طلب حگه يثور الليل گمريه عله ابنادم..





الثوره التنسي تنباع .. !


نطلع عالضلام اهلال





هذوله احنه درب للناس...


نسافر والتذاكر مو ضمايرنه..


حيف ايبيعنه المبيوع ..


يذوله احنه عراقيين ما بينه ولا وهواس..


متعوبين..


ياخذنه حچي النهران لاخر كاس..


ولك يا من بعتنه اعله الغرب چا ليش...!





موش احنه العشگنه‌ حسين..


وموش احنه النحب عباس





شمسوين حته تهز چوادرنه..





هذوله احنه رسايل خوف ما ننقري ولا ننباس..


مهي الثوره كحل تاريخ ..





تجرحنه ينزّ الدم عله عيونك حجر سجيل...


ما نتعب ...


الما يسري بشرايينه وطن متعوب ما بي حيل...


بس احنه عراقيين..


عراقيين ما نتعب نزاود جيل ...

 

كظ حدك . شعبي عراقي

همت من غير راحة بال بس طرواك تبرالي

[Kaitoツ]

شكرا لك يالغلا

 

[Gardi]

منور

 

[سليم البصري]

بين مواضيعكم نجد
المتعة دائما
وفقكم الله لقادم اجمــــــــــل​