كالو طاح / عريان السيد خلف
كالو طاح كلتلهم فلا يرتاح
وما ترتاح لان سديت اذانك من ضميرك صاح
وهي مزنه ثجيله وعاصف وحالوب
يريدلهن سكف مصبوب موش الواح
ريح امسودنه وبيها المعمره اطيح
وانته اعويد حلفه منيلك سباح
جان الخير وافر والغثيث ايضيع
بس من صفه الحاصل شالك المراوح
بالزرع الجثير اتشيل شوف العين
والنبته الخبيثه اتفوت عالفلاح
ماترتاح------
من هاج البحر وبعد علينه الكيش
غادرت السفينه وخنت بالملاح
وحشمت العواصف والمطر والريح
لذكرت الربه ولا كلت بيها ارواح
صحبة عمر جانت والعمر دربين
اشو بأول الخطوه وماي وجهك طاح
بدلت الكلوب الجانت اتهم بيك
بمسامر لواكه وليل مغنه وراح
ولميت العفن والسكط والممروض
وخاويت الوذر والزفر واللفاح
ومن دارت الدنيه اوزره وياك الحال
غطو روسهم والداح منهم داح
ما ترتاح ------
خاف ازهك وأفيضا وأكشف المستور
وافضح من حركَتي اسرار ما تنباح
ما ترتاح-----
لان ندبه بضميرك والجبيل بخيت
والشاره التحركك عمر ما تنزاح
ما ترتاح-----
ماطول الشمس كل يوم تلبس ثوب
وتلاعب النسمه الرازقي الفواح
ماطول الملح والخبز بي ناموس
وارواح البشر عند البشر ترتاح
ما ترتاح-----
كالو طاح كلتلهم فلا يرتاح
وما ترتاح لان سديت اذانك من ضميرك صاح
وهي مزنه ثجيله وعاصف وحالوب
يريدلهن سكف مصبوب موش الواح
ريح امسودنه وبيها المعمره اطيح
وانته اعويد حلفه منيلك سباح
جان الخير وافر والغثيث ايضيع
بس من صفه الحاصل شالك المراوح
بالزرع الجثير اتشيل شوف العين
والنبته الخبيثه اتفوت عالفلاح
ماترتاح------
من هاج البحر وبعد علينه الكيش
غادرت السفينه وخنت بالملاح
وحشمت العواصف والمطر والريح
لذكرت الربه ولا كلت بيها ارواح
صحبة عمر جانت والعمر دربين
اشو بأول الخطوه وماي وجهك طاح
بدلت الكلوب الجانت اتهم بيك
بمسامر لواكه وليل مغنه وراح
ولميت العفن والسكط والممروض
وخاويت الوذر والزفر واللفاح
ومن دارت الدنيه اوزره وياك الحال
غطو روسهم والداح منهم داح
ما ترتاح ------
خاف ازهك وأفيضا وأكشف المستور
وافضح من حركَتي اسرار ما تنباح
ما ترتاح-----
لان ندبه بضميرك والجبيل بخيت
والشاره التحركك عمر ما تنزاح
ما ترتاح-----
ماطول الشمس كل يوم تلبس ثوب
وتلاعب النسمه الرازقي الفواح
ماطول الملح والخبز بي ناموس
وارواح البشر عند البشر ترتاح
ما ترتاح-----
